الفنان المصري محمد الشرنوبي يُعلن تأجيل حفل زفافه بسبب فيروس كورونا

  • تاريخ النشر: الثلاثاء، 21 أبريل 2020
الفنان المصري محمد الشرنوبي يُعلن تأجيل حفل زفافه بسبب فيروس كورونا
مقالات ذات صلة
الفنان المصري عمرو واكد يُعلن تعافيه من فيروس كورونا هو وابنه
بالفيديو: الفنان المصري محمد الشرنوبي يخطب هذه الفتاة
يورجن كلوب يُعلن تعافي محمد صلاح من فيروس كورونا

أعلن الفنان المصري الشاب محمد الشرنوبي تأجيل حفل زفافه من راندا رياض، مديرة أعمال الفنانة المصرية أنغام بسبب ظهور حالات مصابة بفيروس كورونا المُستجد كوفيد_19 في بلاده.

وأشار محمد الشرنوبي، خلال حلوله ضيفًا بأحد البرامج التليفزيونية في بلاده، إلى أن حفل زفافه كان مقررًا له شهر مايو المقبل ولكن تم تأجيله لأجل غير مسمى بسبب أزمة فيروس كورونا، قائلاً:"لايوجد أفراح ولا يوجد تجمعات فلن نتمكن من تنظيم حفل الزفاف في موعده لذا قررنا تأجيله حتى نهاية الأزمة".

وخلال الحلقة تم طرح عدة أرقام للفنان محمد شرنوبي لمعرفة دلالة كل منهم عليه؛ حيث أشار إلى أن رقم 11 يذكره بقميص المحترف المصري في صفوف فريق ليفربول الإنجليزي، محمد صلاح.

وأضاف محمد الشرنوبي:"أنا من عشاق محمد صلاح وأفتخر به كونه مصريًا عندما أسافر للخارج ويعلمون أنني مصريًا يقولون محمد صلاح سعيد أن إنسان منا يصنع هذا الإنجاز".

وكان محمد الشرنوبي، قد أعلن خطبته من راندا رياض ـ التي تُعد أكبر منه بعامين ـ في شهر ديسمبر الماضي 2019 بعد فسخ خطوبته المنتجة سارة الطباخ ـ التي كانت أكبر منه بـ 15 سنة ـ

وسبق ونشر الفنان المصري محمد الشرنوبي، منشورًا على حسابه الشخصي بموقع التواصل الاجتماعي، فيسبوك، يوضح سبب انفصاله عن خطيبته المُنتجة سارة الطباخ.

قال الشرنوبي، عبر تدوينته:"عايز أرد على شوية حاجات وعلى أسئلة كتير بتتسإل بقالها فترة مكنتش حابب أتكلم فيها، أنا طول عمري بحب شغلي جداً ومبحبش أتكلم في أي حاجه تانية غيره، بس بقالي فترة عليا هجوم شخصي غير مبرر وكلام كتير له علاقة بحياتي الشخصية ماحبتش أتكلم فيها غير لما أكون جربت كل الطرق في أني أحاول أحلها الأول".

وتابع:"في سبتمبر ٢٠١٧ بعد مسلسل لا تطفيء الشمس وحلقات صاحبة السعاده وحفلة الموسيقار الكبير عمر خيرت وأغنية "مين فينا" مع النجمة الكبيرة أصالة وبعد ما كنت لسة ماضي مسلسل كأنه أمبارح وفيلم الممر، جالي شغل مع شركة كبيرة عشان أنزلّهم بوست على انستجرام عندي، اللي كانت ماسكة الحملة دي واحدة اسمها سارة الطباخ.. نشأت علاقة صداقة لطيفة وكانت بتقنعني إني أحترف الغناء .. في فترة كنت عاوز أركز في التمثيل أكتر".

وأضاف الفنان المصري:"سارة كانت إنسانة جميلة وجدعة جداً.. الموضوع بعد كدة اتطور من صداقة لعلاقة حب وبقى فيه ما بينا ثقة و احترام بس دي كانت بداية مشاكل قوية جداً حصلتلي في حياتي أهمها عدم رضا أبويا عن العلاقة دي بسبب أن فرق السن بيني وبينها ١٥ سنة وده كان السبب الرئيسي أن أبويا مكانش موجود في فيديو قراية الفاتحة اللي معظم الناس شافته".

واسترسل:"وبالمناسبة الڤيديو دة اتصور يوم  ٥ أبريل ٢٠١٨  يعني من سنة و٣ شهور تقريباً وفضل أبويا زعلان مني فترة و ماتصالحناش غير لما حضرلي أول حفلة أعملها في حياتي وده كان السبب في أن لما قدمته عيطت ونزلت من عالمسرح، المهم، نرجع للي كنت بقوله .. قبل مايبقى فيه خطوبة أو حتى أي شغل مابينا كان عندي أكتر من عرض من شركات إنتاج أغاني كبيرة إني أعمل ألبوم بس كنت حابب أعمل كل فترة أغنية جنب التمثيل .. فضلت سارة تقنعني كتير إننا نشتغل مع بعض ونعمل ألبوم أنا وهي والقرار دة كان مخيف جداً بالنسبة لي لأنه كان معناه إني مش هبقى عارف أتفرغ تماماً للتمثيل، وده اللي حصل فعلاً بعد كأنه امبارح.. اقتنعت و ابتدينا نشتغل".

وتابع:"بعدها فوجئت بيها بتقدملي عقد إحتكار مدته ١٠ سنين والشرط الجزائي اللي في العقد ٦٠٠.٠٠٠ دولار وماليش حق إمضاء أي عمل سواء تمثيل أو غناء .. و للأسف دي غلطتي .. أنا كنت متخيل أن شروط العقد دة؛ الشروط المتعارف عليها، و لما خفت و قلقت من الشروط دي شوية كانت سارة بتقنعني أن دي مجرد شكليات وإن كل حاجه هاتتم بالتراضي وقالتلي بالحرف (أي وقت هاتيجي تقولي فيه أن العقد دة مش مريحك هديلك العقد) .. عمري ما هغصبك على حاجة) و بسبب ثقتي فيها وحبي ليها وافقت على كل ده ووافقت كمان إني أمضي العقد ده رغم أنه كان معمول بتاريخ قبله بحوالي ١٠ شهور (بتاريخ اليوم اللي قابلتها فيه تقريباً) .. ومن بعد ما مضيت العقد و بعد ما قريت الفاتحة اللي وقفت قدام كل الناس فيها .. لقيت طريقة تعامل مختلفة تماماً وتوتر بدون أسباب بيحصل بيني وبينها".

وأكمل:"فسخت الخطوبة شهر يوليو ٢٠١٨ يعني بعد ٣ شهور بالظبط من قراية الفاتحة وماكناش لسة ساعتها أشتغلنا على الألبوم .. وقلتلها إني مش حابب أكمل شغل خلينا أصحاب أحسن .. وكان فيه محاولات معايا من ناس كتير مشتركة ما بيننا عشان يصلحوا الموضوع لأكتر من شهر .. ووافقت إننا ندي نفسنا فرصه تانية كتجربة عشان كان عندي مشاكل كتير في طريقة التعامل .. ورجعنا وكانت الحياة كويسة في الأول ورجعنا نشتغل تاني وبعد فتره بدأت المشاكل ترجع تاني وبشكل أسخف واتسببت في مشاكل كبيرة بيني وبين أهلي وأصحابي القريبين وحتى أي حد في الوسط بقى بيتجنبني أو بيتجنب التعامل معايا لمجرد أن هي اللي ماسكه شغلي عشان طريقتها مكانتش ألذذ حاجه خالص و بدأت تحاول تتحكم في كل حياتي وعلاقتي بكل اللي حواليا ولما حاولت أمشي تاني ابتدا يبقى فيه استخدام لفكرة العقد بشكل واضح والمشاكل بقت شخصية ومهنية ولما مارضتش أكمل في علاقة أنا حاسس إنها مابقتش مناسبة ليا ولا أما ولا الطرف التاني، ابتدا يبقى أساليب تانية للضغط أخرها كان فيديو الخطوبة اللي نزل وإحنا أصلاً مش مع بعض".

وأتم تدوينته المطولة بحرصه طوال الفترة الماضية على مشاعرها والتأكيد على عدم نشره أي شيء أخر يخص حياته الشخصية.