فيديو: إلغاء حفل هذا المطرب المصري بعد إصابته هو والجمهور برأس السنة
أُلغي حفل المطرب المصري الشاب أحمد كامل، مع بداية العام الجديد 2019 بعد نشوب مشاجرة بين جمهوره تسببت في عدد من الإصابات طالته هو شخصيًا.
وأشار بعض الحضور إلى أن المشادات بين الحضور في الحفل نتج عنها بعض الإصابات وكذلك تلفيات بالمحال الموجودة في أحد المولات المصرية التي استضافت حفله.
ومن جانبه، نشر أحمد كامل مقطع فيديو اليوم الأربعاء يُبين إصابته خلال الحفل قبل إلغائه مُذيلاً إياه بتعليق:"قدر الله و ماشاء فعل، كان نفسي نتبسط كلنا والحفلة كانت مجانيه علشان نقدر نتبسط كلنا، الناس اللي سألت عليا أنا دلوقتي كويس الحمدلله".
وتابع:"أنا لما قبلت الحفلة دي كان لغرض أخليكم مبسوطين، لما اتعرض عليا الموضوع فرحت إنها مجانًا كان نفسي أخليكم مبسوطين بس عمري ماكنت أتخيل أن ممكن ييجي ٣٠,٠٠٠ شخص، مكنش ينفع أكمل غناء و أنا شايف ناس بتضرر و بتقع بسبب التدافع خاصة أنهم من جمهوري كان لازم أوقف الحفله و تتلغي بحكم معرفتكم بيا أنا قريب منكم و واحد منكم و عمري ما هسمح لأي شيء يضركم".
واسترسل:"المكان مقدرش يستوعب العدد ده كله، أسف جدًا جدًا جدًا، و عايز أشكركم و أتأسفلكم على أي ضرر و لو في أي حد اتصاب النهاردة أنا مستعد لو يسمحلي أجي أزوره بنفسي أعتذرله، أنا كمان اتصبت وربنا اللي عالم إني أكتر شخص اتضر في الموضوع ده و نفسيتي زفت لأني للحظه بقيت بلوم نفسي أني بقيت مغني مشهور ، بس كان نفسي تكونو مبسوطين لانكم تستحقو ده".
وأتم حديثه بـ:"حقكم على رأسي وأتمني محدش يكون زعلان مني أنتم أكتر ناس عارفة إني مستحيل أضركم".