منتج فيلم تامر حسني يصف محمد رمضان بـ "المجنون المريض" لهذا السبب

  • تاريخ النشر: الأربعاء، 22 أغسطس 2018
منتج فيلم تامر حسني يصف محمد رمضان بـ "المجنون المريض" لهذا السبب

وجه وليد منصور، منتج فيلم البدلة الذي يقوم ببطولته الفنان تامر حسني رسالة شديدة اللهجة لمحمد رمضان الذي يقوم ببطولة فيلم الديزل خلال موسم أفلام عيد الأضحى الحالية بخصوص الإيرادات.

اقرأ أيضاً: فيديو: هكذا احتفل محمد رمضان بفيلمه الجديد الديزل مع جمهوره

ودون وليد منصور، على حسابه الشخصي بموقع التواصل الاجتماعي، اليوم الأربعاء:"رسالة موجهه مني المنتج وليد منصور إلى شخص مجنون يُدعى محمد مرضان وصلني أنك بتبعت رسائل من تليفونك الشخصي تتهمني فيها بتغير أرقام الإيرادات.. مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمين بس أنت زودتها قوي يا حماده".

وتابع منتج فيلم البدلة:"أولاً أنت اسمك لازم كل مصر تغيره لمحمد مرضان لإنك بتفكرني بالمجانين اللي ماشين في الشارع ومش عايزين يصدقوا إنهم مجانين فارتاح يا حماده محدش عاقل هيصدقك عمرك ما كنت رقم ١ في الإيراد وعمرك ما كنت أحد نجوم الصف الأول وأنت عارف أن السبب أن فنك هابط يامرضان وملامحك للأسف متعرفش تعمل غير دور المدمن أو البلطجي أو إرهابي أو حرامي أنا كان نفسي متكلمش عنك لإنك أصلاً بالنسبالي وبالنسبة لكل الشعب الراقي المحترم أكذوبة وأنت عارف كويس أن أفلامك طول عمرها بتفشل قدام النجوم المحترمه زي السقا وعز وتامر وأستاذ عادل إمام".

وأتم المنتج رسالته قائلاً:"نصيحة يا مرضان روح أتمرن تمثيل بدل مانت أداءك واحد في كل أدوارك يابني أنت طبعاً هتموت عشان مش عارف تشتري ڤيوز زي أغانيك الهابطة فمفضوح أوي قدام الغلابة اللي مصدقينك اللي بينقرضوا واحد ورا التاني يا ولا قسماً بالله لو لقيتك بتهرتل على أي حد تاني هيكون ردي أعنف من كده و أصلاً أنا لسه مخلصتش ردي أنت هتموت من الغيظ عشان البدلة علم عليك ولسه هنعلم أكتر وأنت عارف هتتمسخر إزاي الفترة اللي جايه زي مااتمسخرت فكل أفلامك اللي فاتت".

اقرأ أيضاً: صور: فنانو مصر يسخرون من أغنية محمد رمضان الجديدة.. وهكذا رد الأخير

ويُشارك الفنان محمد رمضان بطولة فيلم الديزل الفنانة ياسمين صبري وهنا شيحة وهو من تأليف أمين جمال ومحمد محرز ومحمود حمدان إخراج كريم السبكي، بينما يُشارك تامر حسني بطولة فيلم البدلة كلاً من  أكرم حسني، أمينة خليل وغيرهم وهو من تأليف أيمن بهجت أمر وإخراج محمد جمال العدل.