تفاصيل خناقة ياسمين عز ورضوى الشربيني: أنا عندي كرامة مش زيك
وجهت ياسمين عز كلام عنيف وحاد إلى رضوى الشربيني
بدأت حرب كلامية حادة بين الإعلامية ياسمين عز والإعلامية رضوى الشربيني وسببها تغريدة نسبها أحد المتابعين لرضوى الشربيني وزعم أنها قالت: "البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها"، وهو أحد التعليقات المشهورة للإعلامية ياسمين عز.
وبعد انتشار هذه التغريدة التي نُسبت إلى الإعلامية رضوى الشربيني خرجت الأخيرة ونفت هذا الأمر وسارعت في التوضيح، حيث أعادت نشر التغريدة على حسابها على تويتر وقالت: "أنا أقول الكلام دا ليه؟ أنا ست عندها كرامة، كلام العبيد دا مش بتاعي".
فيديو ذات صلة
This browser does not support the video element.
وانا اقول الكلام ده ليه…انا ست عندها كرامه…كلام العبيد ده مش بتاعى 💁🏻♀️ https://t.co/7jBLMMIZiA
— Radwa El Sherbiny (@RadwaElSherbiny) April 27, 2023
ياسمين عز تهاجم رضوى الشربيني بكلام حاد
وبعدما علقت رضوى الشربيني على التصريحات المنسوبة إليها هاجمت ياسمين عز رضوى الشربيني بطريقة غير مباشرة في منشور على حسابها على فيسبوك.
وكتبت ياسمين عز: " كرامة إيه يا أم كرامة بلاستيك أطرافها مطاط، تمط وتنكمش حسب المصلحة والظروف المحيطة”، مضيفة: “مدام بليز كرامتك وقعت منك آخر مرة هناك، ابعتي عبد مظلوم من عندك يجيبها قبل ما تسيح فالشمس، واحكيلنا بالمرة قواعد بيات المرأة الأربعين برة بيت الزوج من غير إذنه".
وأضافت عز: " سلينا كده في الإجازة لأنك شطبتي محتوى وبقيتي مملة، حتى في تلقيحك مملة، زيرو محتوى زيرو أنوثة، بس الأمانة استرجال ليڤل الوحش، ده أنا مش بس أدوس على الفساتين الماركات ده أنا أدوس على أي حد علشان خاطر الفرعون الصغير الكبير، بعمل ده في الحياة العادية وبقوله في العلن".
وتابعت ياسمين عز تصريحاتها قائلة: " إنما بقى لما يكون في خرابة بيوت بتبوس الجزم في السر وتعمل فيلم مظلوم، وتطلع فالعلن تحكيلنا مأساة المرأة الإغريقية، كده إنتي محتاجة علاج يا مدام، روحي اتعالجي يا مدام، في تشوهات نفسية وشياط وغيرة ويأس بدأ يتجلى ويتفشى ويترعرع في الأنحاء".
واختتمت ياسمين عز كلامها قائلة: "بلاش نشغل أسطوانة المرأة الحديدية، علشان المرأة نفسها لو عرفت إنتي إيه هيجيلها صدمة دماغية حضارية، جربي حطي اسمي تاني في تلميحات أو تلقيحات، علشان هنتفرج كلنا وقتها أنا هدوس على إيه تاني غير الماركات، وهو بالمرة نحكي الحكايات، ونسلي الناس في الإجازات".
يُذكر أن الإعلامية ياسمين عز اشتهرت بسبب دفاعها الشديد عن الرجال وتصريحاتها المثيرة للجدل حول طاعة الزوجة لزوجها، وهو ما عرضها لانتقادات من البعض.
رد رضوى الشربيني على ياسمين عز
وبعد التصريحات والهجوم الحاد والعنيف من ياسمين عز على رضوى الشربيني، نشرت الإعلامية رضوى عبر حسابها على فيسبوك صورة لها وكتبت عليها تعليق: "الرزق مش كله فلوس ممكن يكون إنسان كل ما تشوفه تحمد ربنا إنك مش زيه".
وقد لاحظ البعض أن هذا المنشور هور رد رضوى الشربيني على التصريحات المهنية التي قالتها ياسمين عز في حقها.