غادة عبد الرازق تتحدث عن تجاربها مع الأطباء النفسيين (فيديو)
حلت الفنانة غادة عبد الرازق ضيفة في برنامج "معكم منى الشاذلي" على قناة ON وتحدثت عن علاقتها بالأطباء النفسيين ورحلتها مع العلاج النفسي، وقالت إنها تتعالج نفسيًا منذ 30 عامًا.
وقالت الفنانة غادة عبد الرازق إنها ذهبت لطبيبين نفسيين ولاحظت أنهم بحاجة إلى علاج نفسي أكثر منها، وقالت إنها في إحدى المرات ذهبت إلى واحد من أشهر الأطباء النفسيين في مصر ولكن تجربتها معه كانت سيئة.
فيديو ذات صلة
This browser does not support the video element.
وقالت: "رحت لدكتور كبير جدًا وأول ما دخلت له لقيته بيلف بالكرسي حوالين نفسه، استغربت، وأنا بكلمه مش مركز معايا بيفتح الدرج وبيكتب في الأجندة ومش مركز معايا خالص".
وأضافت: "في الآخر سألته أنا هعمل إيه قال لي مش هتعملي حاجة وكتب لي أدوية في الروشتة، وأنا خارجة لقيته بيلف بالكرسي بردة، ولما طلعت قلت للسكرتيرة أنا لو منك بلغي عنه".
وتابعت: "مع الأسف أخدت الأدوية واتنكست، والساعة اتنين بليل أنا كنت هعمل حاجة في نفسي، والدكتور الأساسي اللي بيعالجني جالي البيت، وقال لي متستسهليش الأدوية لأنها بتأثر على المخ".
وروت الفنانة غادة عبد الرازق تجربتها الثانية السيئة مع طبيب نفسي من 10 سنوات، وكانت تجربة غريبة، وقالت: "من 10 سنين رحت لدكتور أسنان وأنا طلعة لقيت عيادة نفسية لقيتها عيادة شيك وجميلة، ولما دخلت لقيت دكتور صغير كدا سألته ينفع تيجي البيت قال لها آه طبعًا".
وأضافت: "بعدها بأسبوع الدكتور جالي البيت وأول ما دخل قلع الجاكت ورماه على الأرض وخد دوا، وبعدين سألته مالك يا دكتور إنت كويس قال لي هو في حد كويس في الزمن دا أصل أنا هطلق مراتي وبدأ يحكيلي عن حياته".
اقرأ أيضًا: غادة عبد الرازق تدافع عن أدهم نابلسي بعد إعلانه اعتزال الغناء
غادة عبد الرازق: مغيرتش دكتوري النفسي من 30 سنة
وقد سألتها الإعلامية منى الشاذلي عن سبب تعاملها مع الكثير من الأطباء غير المهنيين، قالت الفنانة غادة عبد الرازق أنها تعلمت الدرس، ولكن لا يمكن أن تعيش بدون أن تحكي لأحد، لذا تلجأ للطبيب النفسي.
وقالت غادة: "أنا لازم أتكلم مع حد، في حاجات مهما حصل لا يمكن تقوليها لأقرب الناس ليكي، الدكتور بيوصل لمخزونات إنت لا يمكن تقدري تقوليها لحد، وهي حاجات من زمان بتبدأ صغيرة وبدين بتكبر مع الزمن".
وأضافت: "الدكتور بتاعي من 30 سنة معايا لحد دلوقتي مقدرش أخرج براه وبقالي 30 سنة باخد علاج نفسي، ودي حاجة مش عيب".
اقرأ أيضًا: غادة عبد الرازق تؤجل مسلسلها وتغيب عن موسم رمضان 2023