الممثلة فيدرا تنتقد أماكن مصلى السيدات الضيقة في المساجد (فيديو)
قالت: ليه بيعاملونا معاملة مواطن درجة ثانية؟
نشرت الفنانة فيدرا فيديو عبر حسابها على إنستغرام انتقدت فيه مساحات مصلى السيدات الضيفة في المساجد، ورأت أن النساء يُعاملن كأنهن مواطنات من الدرجة الثانية ولا يحق لهن أن يصلين في مساجد مهيئة وواسعة لهن.
وقالت الفنانة فيدرا في الفيديو الذي نشرته عبر حسابها على إنستغرام: "ليه مصلى لسيدات بيكون مكتوم ومتقفل بحواجز وصغير زي باب المطبخ، ليه بنتعامل كدا؟ ليه كستات رايحين نصلي نتعامل كأننا مواطنين من الدرجة التانية؟".
فيديو ذات صلة
This browser does not support the video element.
وتابعت في الفيديو الذي نشرته: "ليه مصلى السيدات ميبقاش زي مصلى الرجال؟ ليه أنا كمسلمة أتعامل معاملة زي دي؟ اعملوا مدخل محترم وحلو وواسع مش على جنب تحس أنه الست كائن مش مهم وندخل من الباب اللي ورا، مش هيجرى حاجة لو عملوا لينا حاجة حلوة واحنا رايحين نصلي".
تعليقات المتابعين على الفيديو
وقد اتفق العديد من المتابعين وخاصة من النساء مع وجهة نظر الفنانة فيدرا، فقد قالت إحدى المتابعات: عندك حق موضوع يستحق إننا نتكلم فيه ساعات بنبقى خارج المنزل أو حد بيشتغل ومضطرين نصلى برة وفعلا بيكون مكان مش أحسن حاجة كاننا ملناش لازمة نصلي في مكان نضيف وجميل".
وقالت متابعة أخرى: "أتفق جداً معاك فيدرا وده الكلام حيشجع السيدات يروحوا الجامع لما يكونوا عايزين المساجد لازم تكون كل زواياه في أجمل حلة وصورة وده دور وزارات الأوقاف والشريعة ولجان المتابعة مع أنه الرسول صلوات اللّٰه عليه أوصى السيدات أن يصلوا في مخدعهم غرفهم".
وفي المقابل دافع بعض المعجبين عن سبب صغر مساحة مصلى السيدات، حيث اعتبر البعض أن صلاة المرأة الأساسية تكون في المنزل؛ ولهذا السبب لا يتم الاهتمام بمصلى السيدات وتكون مساحة مصلى السيدات صغيرة.
وقد قال أحد المتابعين: "ألست مش مطلوب منها أصلا تصلي في المسجد يا فيدرا بس أنا معاكي أنه برضه ما يبقاش مهمل لو دعت الضرورة إن الست تصلي في المسجد".
وقال متابع آخر: "كل الفكرة بس علشان الرجال فرض عليهم الصلاة في المسجد أما النساء مش فرض ومن المحبب أصلا صلاتها في المنزل".
وقد انتقد البعض وجهة النظر التي تقول إن مكان النساء في المنزل؛ ولهذا السبب لا يتم الاهتمام بمصلى السيدات، حيث علقت إحدى المتابعين وقال: "للي بيقول الست مش فرض عليها تصلي في الجامع؟ بالنسبة للستات اللي شغاله وعندها مشاواير ما الست دي هتصلي فين؟".