بطلة الحاج متولي تهاجم طليقها: مصرفش جنيه على ابنه من وقت الانفصال
- تاريخ النشر: الثلاثاء، 30 يناير 2024
تألقت عايدة غنيم في مسلسل عائلة الحاج متولي
- مقالات ذات صلة
- بعد 22 عاما.. شاهد ألفت الزوجة الرابعة في مسلسل عائلة الحاج متولي
- سوار ذكي ينقذك وقت الخطر دون الحاجة إلى هاتف
- بعد 22 عاما.. مخرج عائلة الحاج متولي يكشف سر بخصوص نهاية المسلسل
هاجمت الفنانة عايدة غنيم، طليقها وعائلته، عبر فيديو نشرته على حسابها الرسمي على تيك توك، موضحة أن لا أحد يتكفل بمصاريف ابنها ولا بعلاجه منذ انفصالها.
عايدة غنيم تهاجم طليقها
وبدأت عايدة غنيم حديثها قائلة: "أنا اترددت كتير قبل ما أعمل الفيديو، بس ملقتش وسيلة أرد بيها على المهاترات والكلام اللي بيتقال والهبد غير أني أعمل الفيديو، وعملته للناس معينة وهم عارفين وأنا عايز أقول حاجة لهم وللناس اللي مصدقاهم وكل شوية يكلموني في الموضوع وإن فلان بيصرف على ابنك".
فيديو ذات صلة
This browser does not support the video element.
ونفت عايدة غنيم خلال حديثها تدخل أي قريب لمساعدتها في مصاريف ابنها وقالت: "أقسم بالله العظيم ثلاثة, وحياة ابني أن ما في قريب ولا غريب بيصرف على ابني جنيه ولا أب ولا خال ولا خالة ولا عم أو عمه أو جد ولا أي حد من قريب ولا من بعيد، بيصرف على ابني جنيه من يوم ما اتولد لحد وقتنا هذا إلا أنا وهذا من فضل ربنا سبحانه وتعالى ربنا يرزقني برزقه".
عايدة غنيم: أقل دواء لابني بـ 150 دولاراً
وتابعت قائلة: "ابني من وقت ما انفصلت ما حد بعتله جنيه ولا اترفعت عليه سماعة تليفون، ولا اتقال له كل سنة وأنت طيب في عيد ميلاده ولا في عيد كبير ولا صغير ولا في رمضان ولا في أي مناسبة في الحياة، أنا متكفلة بكل حاجة ويعلم ربنا والناس المقربون مني".
وتابعت: "وأنا متكفلة بكل مصاريف ابني من أكبر حاجة لأصغر حاجة مصاريف مدرسة تحملتها ومصاريف حضانته في الإجازة تحملتها، مصاريف علاجه كلها، وجلساته كلها، وأدويته كلها مستوردة اللي أقل دواء فيها بيوصل لـ 150 دولارا".
وأوضحت عايدة غنيم أنها لم تمنع أقارب ابنها من السؤال عليه قائلة: "محدش يعرف حاجة عن ابني سواء خف أو لا لا، محدش بيصرف عليه غيري، في حين أنا مش منعه حد يسأل على ابني ولا أنه يشوفه، لأ خالص لان عمري ما هلعب في نفسية طفل وعمري ما هحرم ابني من إن حد يشوفه إذا كان حد عايز يشوفه وأكثر من مرة قلت الولد ملهوش علاقة بأي مشاكل أو خلافات، ومع ذلك مفيش حد اهتم ولا حد سأل".
من هي عايدة غنيم؟
الجدير بالذكر، أن عايدة غنيم هي ممثلة مصرية، اشتهرت بين الجمهور بدورها في مسلسل "عائلة الحاج متولي" الذي عام 2001، مع الفنان نور الشريف وماجدة زكي وغادة عبد الرازق ورانيا يوسف ومصطفى شعبان.