بعد الهجوم على محمد صلاح.. نجيب ساويرس : في نزعة شريرة
أبدى رجل الأعمال المهندس نجيب ساويرس تأييده لنجم منتخب مصر ونادي ليفربول الإنجليزي محمد صلاح
أبدى رجل الأعمال المهندس نجيب ساويرس تأييده لنجم منتخب مصر ونادي ليفربول الإنجليزي محمد صلاح، وانتقد الحملة الإعلامية التي تستهدفه بسبب مزاعم ادعائه الإصابة.
نجيب ساويرس يدافع عن محمد صلاح
وأكد نجيب ساويرس في مداخلة هاتفية مع برنامج "حضرة المواطن"، إن محمد صلاح هو من أكثر اللاعبين الوطنيين والمنتمين لبلاده، وأنه تعرف عليه منذ احترافه في روما وأعجب كثيرا بشخصيته.
فيديو ذات صلة
This browser does not support the video element.
فقال نجيب ساويرس عن الهجوم الذي يتعرض له محمد صلاح: "أيام الفراعنة كان كل ما يجي فرعون يروح خابط رأس الفرعون اللي قبله وحاطط صورته وفيه فرعون مزور إنه هو اللي كسب معركة الهكسوس".
وأضاف: "فيه نزعة شريرة موجودة إن إزاي الجدع محمد صلاح ده نجح وطلع في ليفربول وبياخد 20 مليون إسترليني والراجل طول النهار يبني جامعاً في قريته ويتبرع لفلسطين وبيعمل أعمال خير كتير".
وأضاف نجيب ساويرس أنه تعرف على صلاح شخصيًا عندما كان يلعب في نادي روما الإيطالي، وأنه كان يدعمه بوضع إعلان لشركته على قميصه.
وقال ساويرس عن تلك الفترة: "الولد ده وطني من الدرجة الأولى بس يحلوا عنه ويبطلوا يبهدلوا فيه، زي لما حطوا صورته على مصر للطيران من غير ما ياخدوا إذنه وهو موقع عقود مع ناس ومينفعش يعملوا كده".
واستكمل قائلا: "وقعدوا يهاجمونه علشان مش راضي بالفوضى اللي عملوها، انا كمان بيحصلى كده بس ولا بلتفت وبنبسط أوي إن فيه ناس متغاظة وأنا برد على اللي بيشتم واللي بيشتم بعمله بلوك".
رأي نجيب ساويرس في تعيين حسام حسن لتدريب المنتخب
وفي سياق آخر، عبر نجيب ساويرس خلال حواره في برنامج "حضرة المواطن"، عن رأيه في تعيين حسام حسن وشقيقه إبراهيم لتدريب منتخب مصر، مؤكداً إنه يحترمهما ويحبهما، لكنه لا يوافق على قرار اختيارهما.
وقال نجيب ساويرس: "أنا مش مع قرار اختيارهم لتولي القيادة الفنية، بس المنظومة الكروية أصلا بايظة بقالها 20 أو 30 سنة وتدخلات الدولة كمان وده المفترض يبقى موضوع شعبي وشبابي بس، ومش هتتصلح بالشكل ده، مش قصة مدرب بس".