لأول مرة دينا الشربيني تكشف اسم حبيبها وجنسيته: حنين وجدع
تصدرت الفنانة دينا الشربيني التريند على مواقع التواصل الاجتماعي ومحركات البحث
تصدرت الفنانة دينا الشربيني التريند على مواقع التواصل الاجتماعي ومحركات البحث، بعد أن كشفت لأول مرة عن اسم حبيبها، وذلك بعد أن تردد في الفترة الأخيرة شائعات عن ارتباطها بالإعلامي أنس بوخش
من حبيب دينا الشربيني؟
وأكدت دينا الشربيني خلال لقائها في برنامج "كلمة أخيرة" الذي تقدمه الإعلامية لميس الحديدي بقناة "أون"، أنها تعيش قصة حب كبيرة.
فيديو ذات صلة
This browser does not support the video element.
وقالت ردا على سؤال حقيقة قصة الحب التي تعيشها: "ده حقيقي أنا قولت كده من فترة، هو شخص بحبه جدًا وجدع وبان أصلا وقت وفـاة بابا وماما، هو شخص مصري وخارج الوسط واسمه حسين".
وتابعت قائلة: "بيعمل فاميلي بيزنس خارج الوسط، احنا بينا أصدقاء مشتركين كتير فكنا نعرف بعض وبنتقابل وسط صحابنا في قعدات لحد ما ارتبطنا".
مواصفات حبيب دينا الشربيني
وعن سبب إعجابها به قالت دينا الشربيني: "يالهوي حاجات كتير بصراحة، هو محترم جدًا، بيراعي ربنا، عنده حتة دينية مش بتبان أوي بس هي جواه".
وتابعت قائلة: "حنين جدع، اللي عايز يعمل لك كل حاجة بس مش عايز يبان في الصورة؟ هو كده أنا فاكرة كويس صحابي وقت أهلي كانوا موجودين وهو موجود بس تلاقيه واقفاً من بعيد بس عينه عليا لو محتاجة حاجة وأنا الحاجات دي بتفرق معايا أوي".
ورداً على سؤال سبب عدم ظهوره معها إعلاميا، قالت دينا الشربيني: "هو أبعد ما يكون عن الأضواء واحنا شبه بعض في حاجات كتيرة إلا دي، وارتباطه بفنانة في الأول كان مخضوض ومش فاهم وكان بيقولي بلاش نروح حتة ونروح عند صحابنا بس بعدين بقى عادي".
وأضافت دينا الشربيني قائلة: "بسمع ناس بيقولوا إنهم بيتضايقوا لما حد بييجي يتصور معاهم بس أنا ببقى مبسوطة أوي والله ببقى مبسوطة وأنا شايفة في عين حد نظرة حب أو حد حاببني وعايز صورة معايا فـأعتقد إنه بقى بينبسط لانبساطي وده اللي خلا الموضوع عادي بالنسباله بس".
كما أوضحت دينا الشربيني أن ارتداؤها للفستان الأبيض والزواج، سيكون عندما يحين الوقت، مشيرة إلى رغبتها في الإنجاب قائلة: "زمان كان نفسي يبقى عندي 6 أولاد، دلوقتي مش هلحق و2 يبقى كويس، لأننا أربع أخوات ثلاث بنات وولد وأنا بحب العزوة".