ليلي أحمد زاهر تتعرض لانتقادات وتتصدر التريند
طرحت ليلى أحمد زاهر مهرجان "نسمة الكاريزما" بمسلسل "أعلى نسبة مشاهدة"
حالة من الجدل أثارتها الفنانة ليلى أحمد زاهر، بين النشطاء على مواقع التواصل الاجتماعي، بعد أدائها شخصية "نسمة الكاريزما" خلال أحداث مسلسل "أعلى نسبة مشاهدة".
ليلى أحمد زاهر
وحاز أداء ليلى أحمد زاهر في المسلسل على انتقادات البعض من النشطاء، فيما رأي آخرون أنها قامت بدور مختلف وقدمت شخصيتها بطريقة جديدة.
فيديو ذات صلة
This browser does not support the video element.
وجاءت أبرز التعليقات على أداء ليلى أحمد زاهر، كالآتي: "حد يفهم الفنانة بنت أحمد زاهر إلي مش داخله المجال واسطة خالص أن مفيش حد من منطقة شعبية طبيعي بيتكلم بالطريقة دي".
فيما قال نشطاء آخرون: "هيا باين عليها أنها غلاويه أساسا ودي طبيعتها، تحسوها واكله حبهان، تقريبا هي خارجة من جلطة وأثرت على وشها، أقسم بالله لا هي ولا أبوها بيفهمو في الفن أساسا والفن برئ منهم كل مرة يطلعو لنا أشكال نشوفها ما يعلم بيها إلا ربنا".
فيما جاءت تعليقات إيجابية حول أداء ليلى أحمد زاهر، وكان أبرزها كالآتي، : "مش هنكر إني شوفت حلقة امبارح ١٣ أو ١٤ وعجبني تمثيل ليلى أحمد زاهر وسلمى أبو ضيف، مستغربة الناس اللي بتنتقد ليلى أحمد زاهر و بتقول عليها أوفر وأنا الناس الشعبية مبتتكلمش كده... جماعة إنتو شوفتو أم ساجدة وهي بتتكلم؟".
مهرجان ليلى أحمد زاهر
وكانت الفنانة ليلى أحمد زاهر قامت بغناء أغنية مهرجان ضمن أحداث مسلسل "أعلى نسبة مشاهدة" تحت عنوان "نسمة الكاريزما".
وحصلت الأغنية على تفاعل كبير بين نشطاء المواقع التواصل الاجتماعي وحققت نسبة مشاهدة مرتفعة فور عرضها، وجاءت كلمات الأغنية، كالآتي:
"خش يابا يالا.. اسمي نسمة لما تشوفني تصحى.. في الكاريزما بجرس أعمل تيسلا.. جايلي راوند؟ لأ مش هتسل.. قبل ما تيجي عايز ألف حسبه.. اصحى صحصح صحصح للكاريزما.. جاتشي معاك عادي نصيب وقسمة..نازل بViral تيك توك وانستا.. صاحبة المدرسة وانتوا تلاميذها".
وجاء في الأغنية: "احنا ندرسها (وعهد الله بندرسها يا عم أقسم بالله).. صحصح للكاريزما (ما تصحصح يا عم أنت وهو في ايه).. تيك تيك تيك توك وانستا (نجمة السوشيال كله يا باشا)..كدة مني ليه متغاظ؟.. عينيك عايزة 100 رصاصة.. أنا الأصل يا ماما وعارفة الرأس.. نسمة أختكوا جاية وهتبقى أشهر من ناسا.. اسمي لما تشوفوا في حتة تسرح".
كما تقول الأغنية: " نجمة طالعة فوق عشان بتسعى.. فهمت الفرق بينا ولا لسه؟.. اصحى صحصح صحصح للكاريزما..جاتشي معاك عادي نصيب وقسمة..نازل بفايرل تيك توك وانستا..صاحبة المدرسة وانتوا تلاميذها".
مستغربة الناس اللي بتنتقد ليلى احمد زاهر و بتقول عليها اوفر و انا الناس الشعبية مبتتكلمش كدة... جماعة انتو شوفتو ام ساجدة و هي بتتكلم؟😂😂😂😂😂😂😂
— المخموخة (@Elma5mo5aMe5a) March 24, 2024
مسلسل أعلى نسبة مشاهدة
الجدير بالذكر، أن مسلسل "أعلى نسبة مشاهدة" المكون من 15 حلقة عرض في النصف الأول من رمضان على قناة MBC.
والعمل من بطولة كل من سلمى أبو ضيف وليلى أحمد زاهر وانتصار فرح يوسف وإسلام إبراهيم، والمسلسل من تأليف وإخراج ياسمين أحمد كامل.