بعد نجاحهم ..عصام عمر: هتشوفنا أنا وركين سعد في فيلم
شارك عصام عمر في موسم رمضان بمسلسل "مسار إجباري"
نجح الفنان عصام عمر خلال شهر رمضان في لفت الأنظار إلى موهبته الكبيرة خاصة بعد نجاحه في مسلسل "مسار إجباري" ومشاركته في عدد من الإعلانات.
وكشف الفنان عصام عمر خلال حواره في برنامج "الراديو بيضحك" على راديو 9090 مع الإعلامية فاطمة مصطفى تفاصيل مشاركته في مسلسل "مسار إجباري" في النصف الأول من شهر رمضان 2024.
وقال: "في مسلسلات بيكون فيها نسبة الغموض كبيرة ولكن لا يوجد ترابط في الشخصيات، ولازم الجمهور يرتبط بشخصيات العمل، فلو حصل حاجز بين الجمهور والشخصية اللي بتتقدم مش هيحس معاها بمشاعرها، التركيز كله إزاي الشخصية تكون شبه الناس وحقيقة، الناس لما تحب الشخصية هيخشوا العالم بتاعه".
فيديو ذات صلة
This browser does not support the video element.
عصام عمر وركين سعد
كما تطرق عصام عمر خلال حواره إلى نجاحه في إعلانات رمضان 2024، وخاصة الإعلان الذي ظهرت معه الفنانة ركين سعد.
وعن تكرار تعاونهما مجددا، قال: "كان إعلان جميل وانبسطنا مع بعض، احنا فعلا مع بعض في فيلم هينزل قريب اسمه "البحث عن منفذ للخروج السيد رامبو" فيلم من بطولتنا إحنا الاثنين في الفيلم ومعانا كلب بلدي اسمه رامبو والفيلم مش كوميدي وممكن ينزل في ديسمبر اللي جاي".
فيديو بدلة عصام عمر
علق الفنان عصام عمر على تصدره التريند بعد تداول فيديو له في أحد المهرجانات، وهو يتحدث عن شراء ملابسه من محطة مصر.
وأكد عصام عمر خلال حوار مع "راديو 9090"، أنه لم يقصد أن يتصدر الترند بسبب إجابته، فقال: "والله أنا مكنش في بالي حاجة خالص، أنا لو ركزت في ردود أفعالي مش هبقا طبيعي وهتبقي بتحسبي الكلمة اللي هتقوليها دي هتطلع تريند ولا لا".
وتابع قائلا: "أنا اتسألت سؤال عن بدلتي منين ومكنش في برنامج ولا حاجة دا كانت بنت بتصور بالموبايل فقلت لها أنا جايب البدلة من محطة مصر فنمت وصحيت لقيت الموضوع تريند وناس عماله تقول يعني إنت معكش فلوس تجيب بدلة هو الموضوع ملهوش علاقة بالفلوس".
وحول حب الجمهور لعصام عمر بعد انتشار الفيديو، فقال: "ده كرم من ربنا ان الناس بتحبني ومصدقاني وحاسة إني منهم، يعني الناس مش بيقولوا ده كان عامل دور ياخد عليه أوسكار لا أنا بجتهد في التمثيل وبلاقي ناس تقولي أنا بحبك زي ما أنت كده فده قبول بتاع ربنا".
واستكمل قائلا: "أنا بقول اللي قلبي ومش بحسب حساب حاجة إنما مش هحسوك وأفضل أفكر أنا طالع شكلي عامل إزاي ما كلنا عندنا مشاكل في وشنا أو شعرنا يعني، وأنا مثلاً عندي طقمين بفضل طالع نازل بيهم مع إني عندي هدوم كتير بس الطقمين دول بحبهم وحلوين عليا ومش هفضل أفكر كل ما أنزل هيبقى شكلي عامل ايه لا أنا شايفها ماشية كدا في السلكان".