خوفاً من الحسد.. زينة تكشف سبب إخفاء أبنائها عن السوشيال ميديا

كشفت الفنانة زينة عن سبب عدم رغبتها في نشر صور أبنائها على مواقع التواصل الاجتماعي، وإبراز ملامحهم بشكل دائم.

وأكدت زينة في حوار خاص مع الراديو 9090، أنها تخشى علي أولادها من الحسد والعين، وأنها تحرم من الخروج معهم بحرية، خوفاً من أن يتم تصويرهم من قبل الآخرين.

فقالت: "مش حابة خالص ظهورهم.. وبتضايق لما حد يقولي ممكن تورينا ولادك.. أنت مالك..الولاد بيبقوا حساسين ناحية الحسد والحاجات دي".

وتابعت زينة قائلة: "بتحرم من حاجات كتير بخاف حد يصورهم.. منها إني أنزل أخرج معاهم.. كل واحد حر في حياته.. الجمهور له عندي شغلي مش حياتي الخاصة .. بخاف عليهم وده حقي".

زينة: دراع ابني اتكسر

وأوضحت زينة أنها تحاول تأخذ أطفالها معها في بعض الأنشطة الخيرية والإنسانية، مثل زيارة الهلال الأحمر المصري لدعم فلسطين.

فقالت: "مثلا كنت في الهلال الأحمر المصري علشان فلسطين، وأخذت أولادي علشان أعلمهم، وموضوع فلسطين تحديدا عايزة كل واحد يعلمه لعياله، وخليت ولادي يتبرعوا ويشتغلوا ويعملوا كراتين، علشان يحكوا لأصحابهم".

وأضافت: "ناس قالت إنت طلعتي عيالك، لكن أنا طلعتهم بظهرهم، وكنت ماسكة ذراع ابني وذراعه أتكسر خلاص بقي انتوا مخوفني ليه كدا ما تحسسوني بالأمان شوية".

وأشارت زينة إلى أنها تحاول تربية أبنائها على البعد عن السوشيال ميديا، قائلة: "أنا بجاهد في منطقتين أنهم بيتصوروش غصب عني وبجاهد أنهم عايزين يطلعوا على السوشيال وقولتهم كريستيانو معاه فلوس يصرف على الكومباوند اللي احنا فيه بس ابنه مش عنده تليفون فبحاول طوال الوقت الحاجات اللي دخلت حياتنا بوظتها آخر وجودها والحمد لله لحد دلوقتي ولادي بيسمعوا كلامي".

زينة: ولادي مهووسان بالشوبينج

وعن صفات المشتركة بينها وبين أولادها التوأم قالت زينة: "أنا أكثر فلوسي يصرفها على اللبس والشوبينج وولادي نفس الكلام طالعين زي في النقطة دي".

وتابعت قائلة: "لما نكون مسافرين بره مصر مش يصحوا من النوم يقولوا هناكل ايه أو هنتفسح فين بيسألوا المحلات هتفتح أمتي علشان ينزلوا يشتروا، وبكون مبهورة جدا بيهم لأنهم بيقدروا يعرفوا برندات وماركات أنا مش عارفها".

وأضافت زينة قائلة: "ولادي تربيتهم غير تربيتي خالص هم مستواي عدي الطموحات انا كنت بنت موظفة بوزارة الأوقاف وأب طيار، ولادي مستواهم أعلى مني بسبب مدرستهم وحياتهم، لما نكون في مطار بيكونوا قادرين يشتروا البرفانات وساعات بكون مش عارفة البراند بس هم بيكونوا عارفين ويقدروا يقولي ايه هي".