فنان مصري شهير يكشف سبب اختفائه .. مجبر على الغناء في ملاهي ليلية

عاد المطرب الشعبي المصري الشهير سمسم شهاب للظهور على الساحة الإعلامية بعد سنوات من الغياب والاختفاء التي تم تفسيرها من قبل المتابعين على أنها اعتزال فني.

وتداولت عدة تقارير صحفية مصرية في وقت سابق، خبر اعتزال سمسم شهاب للفن حيث نقلت عنه وصف الفن بالحرام والعمل غير النافع.

تصريحات جديدة من سمسم شهاب

خرج سمسم شهاب بتصريحات جديدة بعدما تصدرت أزمته مواقع التواصل الاجتماعي وذلك من خلال حسابه الرسمي على "فيسبوك".

وقال شهاب اليوم، "أحد الصحفيين سألني بيقولون الفن وإلى آخره قلت له مش راضي عن الوضع اللي حاصل، قالي وبتهاجم بتوع المهرجانات وبتدعو للفن الكويس، قلت له آه طبعا".

وأضاف "قال لي ما أنت بتغني في ملاهي ليلية، وكان ردي" أنا مجبراً إن شاء الله أحاول أبعد، فقالي ده حرام قلت له لو هنتكلم عن الحلال والحرام كثير من الأئمة حرموا الغناء وده المشروع المستقبلي اللي بفكر فيه".

وواصل حديثه "ده موضوعي اللي جاي عايز بس أقف على أرض صلبة عشان مبقاش حرقت نفسي وخسرت حاجات كتير جدا، قمت لاقيت مواقع كثيرة وكبيرة بتكتب إني بعتزل الفن نهائيا، بس الحقيقة إن ده قرار ناوياً أخده في المستقبل، فيه حاجة في دماغي عايز أعملها عشان لما أبعد أكون واقفاً على أرض صلبة عشان مرجعش تاني".

واختتم سمسم شهاب حديثه "ظروف الحياة صعبة على الكل... حبيت أوضح إن الكلام ده كلام مش صحيح وخبر غير صحيح، وللأسف زعلان من الصحفي جدا جدا مش عارف ليه عمل كده وواخد على خاطري جدا منه، أنا بحترم جدا الصحفيين وبتعامل بكل احترام وهذا ما يستحقونه والمفروض يحصل، لكن المفروض التصريحات متتحرفش".