تامر حسني يوجه نصيحة للجمهور: "اللي ملوش مثل أعلى يشتريله مثل أعلى"

حث الفنان تامر حسني جمهوره على اختيار مثل أعلى لهم في الحياة، يتأثروا برحلته ونجاحه، لأن هذا الأمر هو الذي سيساهم في نجاحهم بشكل كبير.

وكتب تامر حسني منشور على صفحته الرسمية على مواقع التواصل الاجتماعي وقال: "فيه مقولة بتقول اللي مالوش كبير يشتريله كبير، مقولة جميلة بس أنا من خلال رحلتي وقد ايه في قوة جبارة الإنسان بيستمدها من اللي بيحبهم بكل جوارحه وطبعا كلامي عن النجاح العملي في العمل اللي تحبه".

وأضاف "تامر" في نصيحته للشباب: "حبيت أقول المقولة بطريقة تانية وهي "اللي ملوش مثل أعلى يشتريله مثل أعلى" والله لما بتحب حد ناجح وتتأثر برحلته أو طريقته ونجاحه فعلا بتقدر تبقى زيه وممكن أحسن كمان، ممكن طبعا تنجح من غير ما يكون عندك مثل أعلى بس تركيزك بيبقى أقوى بكتير مع مثال قدامك حي".

وتابع تامر حسني: "بيخليك تشوف رحلته قدامك زي دليل ينورك على خطوات أنت متعرفش نتايجها بس بتعرفها من خلاله بتشوف تفكيره في التطوير وتفكيره ازاي يتخطى الأزمات وتفكيره في المواكبة لكل مرحلة في حياته، ازاي كسر سقف نجاحه علشان أنت كمان تعمل زيه".

وأوضح نجم الجيل: "اللي ملوش مثل على يشتريله مثل على" يعني يدور ويركز مع حد يحبه ويتعلم منه وعلى فكرة مش شرط في مجاله ممكن تحب حد في مجال تاني وتحاول تطبق مرحلة في مجالك ده كان كلام من واقع تجربتي ورأي الشخصي".

واختتم تامر حسني رسالته قائلا: "ربنا يوفقكم كلكم وتوصلوا لأبعد من أحلامكم وتبقوا انتو كمان مثل على لناس بعدكم".

آخر أخبار تامر حسني

قدم تامر حسني مجموعة من الحفلات الغنائية خلال موسم الصيف داخل مصر وخارجها، وكان من أشهر حفلاته داخل مصر إحيائه حفل افتتاح حفلات مهرجان العلمين الجديدة في دورته الأولى، ووصف "تامر" الحفل بأنه من أعظم الحفلات التي قدمها في مشواره الفني.

واختار تامر حسني أن يظهر في الحفل بطريقة مختلفة، وظهر وهو يطير في الهواء على ارتفاع حوالي 40 مترا على طريقة شخصية "سوبر هيرو" التي قدمها في فيلمه الأخير "تاج".

وطرح الفنان تامر حسني في موسم الصيف فيلم "تاج" والذي شارك في بطولته النجوم دينا الشربيني، وليلى عز العرب، وهالة فاخر، وأحمد بدير، وعمرو عبد الجليل، وهو من تأليف تامر حسني ومن إخراج سارة وفيق.

وتدور أحداث الفيلم حول أول بطل عربي خارق، ولكنه فجأة يكتشف أن لديه شقيق توأم "خارق" أيضا ويحدث صراع بينهم بين الخير والشر، وكل منهم يحاول القضاء على الآخر في إطار كوميدي ومشوق.