المفروسة والسوسة..تفاصيل مقلب رامز جلال في مي عمر ونجلاء بدر

تصدر الفنان رامز جلال التريند، بعد إذاعة الحلقة الثانية من برنامجه "رامز جاب من الآخر" على قناة MBC، بعد استضافة كل من مي عمر ونجلاء بدر، لمواجهة مجموعة من المقالب.

حلقة رامز جلال مع مي عمر ونجلاء بدر

وفي بداية الحلقة مع وصول مي عمر ونجلاء بدر إلى مكان المقالب ببرنامج "رامز جاب من الآخر"، علق رامز جلال عليهما قائلاً: "المزتين العدوتين اللي هيتاخدوا غدر مي عمر ونجلاء بدر".

وأضاف قائلاً: "معانا النهارده عرق فلتوا وموزة ضاني الاتنين مبيطقوش بعض يطيقوا العمى وميطقوش بعض".

كما علق رامز جلال على إطلالة نجلاء بدر التي ارتدت بنطلون جينز مع تيشرت أبيض وفيست من نفس اللون قائلا: "ايه البنطلون اللي عليه كلور ده، عملتي إيه في شكلك شبه أحمد الفيشاوي".

عمليات تجميل نجلاء بدر

وكشفت نجلاء بدر خلال حوارها مع رامز جلال حقيقة خضوعها لعمليات تجميل قائلة: "عملت عملية تجميل في مناخيري وأنا اللي كنت عايزة مش علشان جوزي، بس معملتش حاجة في شفايفي".

وعن سبب خلافها مع المخرج محمد سامي قالت نجلاء بدر: "أنا والمخرج محمد سامي مختلفين فنيا وفي مسلسل نسل الأغراب شال نص المشاهد علشان مراته مي عمر".

ورداً على سؤال رامز جلال حول سبب عدم زواجها من الفنان محمد منير في آخر لحظة، قالت نجلاء بدر: "فعلا كان هيتجوزني بس اكتشف أني صغيرة عليه".

مشكلة نجلاء بدر ومي عمر

ومع بداية وقوع الفنانة مي عمر ونجلاء بدر في مقالب رامز جلال، علق ساخراً قائلاً: "الفارين في المصيدة النجمة السوسة والفنانة المفروسة".

وتابع قائلاً بعد صدمة نجلاء بدر من مواجهة مي عمر ووقوعهما في نفس الفخ: "حمد الله على السلامة وآسفين علي الرخامة، أنا عارف يا جماعة أنكم شايلين من بعض جامد لازم تصفوا نفوسكم احنا جايبينكم النهارده علشان نوضع حداً لردح النجوم اللي بينكم ده، وأنا عارف إنكم مش بتطيقوا بعض ومكنش فيه حد يعرف يجمعكم غير العبد لله، انتوا دلوقتي في الغرفة السودة وهتبقى ليلتكم سودة ".

لتعلق نجلاء بدر قائلة موجهة حديثها لمي عمر: "أنا مش زعلانة منك أنتي، وزعلانة من جوزك، بس مالكيش دعوة بمشكلتنا سوا عشان إحنا بينا شغل".

وأضافت نجلاء بدر قائلة: "أنا قلت لمي عمر الشغل حاجة والعلاقات الشخصية حاجة تانية، ولو بيجامل مي عمر هي مراته حقه".

وخلال الحلقة تعرضت نجلاء بدر لإصابة بعد فاجأها رامز جلال هي ومي عمر بخروج الكلب "نيوتن"، وخلال محاولتهما الهرب أصيب بجروح في ذراعها، لتنفعل قائلة: "اللي حصل ده جريمة قتل".