حلا شيحة: قصتي عميقة وبحب الرجل المتدين

كشفت الفنانة حلا شيحة لأول مرة عن المرحلة التي عاشتها مع زوجها الأول لمدة 12 عاماً في دولة كندا، وعن رأيها في رد فعل والدها.

حلا شيحة ع المسرح

وتحدثت حلا شيحة خلال حوارها مع الإعلامية منى عبد الوهاب في برنامج "ع المسرح" المذاع عبر قناة الحياة، رداً على سؤال إذا كان تصريح والدها "عنده حق" حين قال إنها خطفت في زواجها الأول.

وردت حلا شيحة ضاحكه قائلة: "آه قال كنت مخطوفة، والمرحلة دي عدت ومش عايزة أخوض فيها أوي، بس مكنتش في أحسن مرحلة في حياتي، أنا طلعا من 12 سنة كنت في حياة مختلفة ورجعت اشتغل أنا قابلت هجوماً كبيراً كان في ناس مع أني أرجع وفي ناس ضد".

وتابعت قائلة: "وسط الصراع أنا اللي كنت في النص وأنا اللي كنت تعبانة لأن الفريقين مش صح، لأني في حتة تانية خالص، أنا كان موقفي مختلفاً تماماً، فهما حاولت أشرح مش هتقدري توصلي اللي جواكي للناس لأنهم مش هتستوعبه".

وأضافت حلا شيحة موضحة: "كل إنسان يمر في ظروف بحياته بتكون مش أسهل حاجة بتكون قوية، فيكون في أوقات لازم أخذ قرارات في حياتي".

واستكملت قائلة: "أي حاجة في الدنيا هتعمليها لازم تدفعين ثمنها، وصراعي مع نفسي مش هيخلص، الواحد لما يحط رأسه على المخده يفكر في ألف حاجة".

وعن رأيها في من وصفها ب "زجاج رايح جاي" قالت: "أضايقت من الوصف جدا أنا مش موديه على الناس، قصتي عميقة جداً فطبيعي أتعب من حاجات معينة أو أتصرف تصرفات معينة، أنا شايفة إن متعة الحياة الواحد يحاول يفهم اللي حواليه".

وتابعت قائلة: "في كثير من التصريحات زعلتني، منها في واحد قال دي في حاجة بمخها ومحتاجة تتعالج، وناس كثير بتقولها، وبضايق أوي منها لأن بحس أنهم مش فاهمين حاجة، ليه بيقولوا كدا أنتوا متعرفونيش أصلا انتوا بتعرفوا الصورة بس، وأنا وصلت لمرحلة أن مش لازم يفهموا".

حلا شيحة وانجذابها للرجل المتدين

كما تطرقت حلا شيحة خلال حوارها مع الإعلامية منى عبد الوهاب، عن سر انجذابها للزواج من الرجل الداعية المتدين.

وقالت: "أنا مش بختار زوجي الحياة اللي بتختار، في مرحلة ما انجذبت أكثر أو بميل للمتدين، ومخترتش هي حاجة بنقابلها في حياتك وبنجذب للشخص اللي بحس أنه هيقربلي لجزء في روحي حساها".

وتابعت قائلة عن زوجها الأول : "لما اخترت أبو أولادي كنت بحبه جدا من وأنا صغيرة وحبيته أكثر لأني حسيت أنه قريب من ربنا ونصلي مع بعض وهنقرا قرآن مع بعض بحب الجزء ده".

وأضافت حلا شيحة: "في ناس بتقول كانت بتقول إنك بتحجبي لما تتزوجين الشخص ده، والكلام مش صحيح، الناس بتشوف من بره، أنا حبي للحجاب ملهوش علاقة بحد وكان قبل أي حد وقربي من شخص متدين بيشجعني ارتدي الحجاب".