نهى عابدين عن مواصفات فارس أحلامها: "هو أنا بشتري مطبخ"

كشفت الفنانة نهى عابدين عن مواصفات رجل أحلامها، وتفاصيل مشاركتها في مسلسل العتاولة بشخصية "ديحا" برمضان 2024.

أكدت الفنانة نهى عابدين خلال حوارها مع الإعلامية ياسمين عز في برنامجها "كلام الناس" على قناة MBC مصر، أنها ليس لديها مواصفات لرجل أحلامها.

مواصفات فارس أحلام نهى عابدين

وقالت ردا على السؤال: "ايه المواصفات دي؟ هو أنا هجيب مطبخ، مفيش مواصفات كل مرحلة في الحياة ننظر إليها بشكل معين حسب ما مرينا بيه وشفناه وحسب الاحتياجات والأولويات وهذا شيء طبيعي".

وتابعت قائلة: "أما فيما يخص الشكل فهو مش بيفرق معايا دلوقتي ممكن لما كنت صغيرة كنت هبلة وتافهة وكنت عايزة الشكل، ولكن دلوقتي الشكل مش أهم حاجة لأن الواحد لما بيكبر بيستوعب حاجات كثير في الحياة في حاجات كثير أهم من ناس كثير تشوفها أهم".

وتابعت حديثها عن مواصفات شريك حياتها: "بالنسبة ليا أهم حاجة الاحترام وتقبل الاختلاف يحترمني ويحترم الحاجات اللي بحبها، أنا ممكن اللي بقوله دلوقتي يتغير بعد سنة فعلاً كل مرحلة في حياتك بتكونين شايفة الأمور بنظري أخرى وتعدي سنين وأياماً وتتغير في عنيكي".

نهى عابدين في مسلسل العتاولة

كما تطرقت نهى عابدين إلى نجاح دورها بشخصية "ديحا" بمسلسل العتاولة برمضان 2024، ومقارنتها بشخصية "روقة" التي قدمتها الفنانة نور في فيلم العار مع الفنان نور الشريف.

وقال نهى عابدين تعليقاً على أنها أصبحت حلم الشباب بـ2024: "إحنا نقدم الشخصية والناس في الآخر بتتفرج، وفي ناس ممكن يشوفها روقة، وفي ناس تشوفها ست مضحية زيادة عن اللزوم في الآخر أنا قدمت شخصية وكل حد يشوفها من وجهة نظره".

وتابعت قائلة: "وأنا بقدم الدور مش بكون مركزة أقدم رسالة معينة، أنا مركزة في شخصية لها أبعاد هي بتعمل كدا ليه وليه بتحب كده كان تركيزي إيه المشاعر اللي تطلع في الموقف".

واستكملت نهى عابدين قائلة: "أنا ضد تصنيف شخصيات العمل بالخير أو الشر لأن البني آدم يحمل كل المشاعر ممكن موقف يحرك الشر أو الخير، ففكرة أن أعمل شخصية شريرة أو طيبة فقط بالمطلق مفيش حاجة كده كلما عندنا كتلة من المشاعر".