تامر حسني: التقرب إلى الله وقراءة القرآن هو الحل لتخطي هذه الأزمة

نشر الفنان تامر حسني منشورا طويلا على حساباته على منصات التواصل الاجتماعي لبث الأمل وقرب الفرج من الله لقطاع غزة، وطالب الجمهور بالتقرب إلى الله وقراءة القرآن والتي يراها الطريقة الأفضل للخروج من هذه الأزمة التي يمر بها قطاع غزة.

وقد نشر الفنا نتامر حسني آية قرآنية في سورة الأحزاب وهي: "وَسَبِّحُوهُ بُكْرَةً وَأَصِيلًا (42) هُوَ الَّذِي يُصَلِّي عَلَيْكُمْ وَمَلَائِكَتُهُ لِيُخْرِجَكُم مِّنَ الظُّلُمَاتِ إِلَى النُّورِ ۚ وَكَانَ بِالْمُؤْمِنِينَ رَحِيمًا".

وقال تامر حسني: "كنت بسمع شيوخ كتير بتقول إننا لازم نقرب لربنا عشان ده الحل الوحيد لكل الأديان عشان نخرج من الضلمة اللي عايشينها للنور".

وأضاف: "روحت ماسك القرآن فجأة وفتحته وقلت يا ترى لما أفتح  عيني هتيجي على أي آية، فتحت وعيني جت على الآية دي. الحقيقة مفيش إشارة أوضح من كده اللي عايزه يشوفها صدفة أو إشارة بتقدير من ربنا .. في النهاية  إننا نقرب لربنا أكتر أكيد حاجة أحسن وأكيد أحسن إننا نفتح القرآن ونقرأ فيه".

احنا في فتره من حياتنا عمرنا ما عدينا بيها قبل كده و الكل تعبان و كتير مننا محتارين و كتير تايهين و مستغربين و مش مصدقين اللي بيحصل و اللي شايفينه قدام عنينا .. و دلوقتي كنت بسمع شيوخ كتير بيتكلموا عن اننا لازم نقرب لربنا عشان ده الحل الوحيد لكل الاديان عشان نخرج من الضلمه اللي… pic.twitter.com/09xhOydsMH

— Tamer Hosny (@tamerhosny) October 27, 2023

الفنان تامر حسني يبث الأمل في الناس

وقد نشر الفنان تامر حسني تغريدة طويلة على حسابه على إكس قال فيها: "من قوة تمسكي وإصراري وقناعتي برحمة ربنا كنت بقول معقول اللي بيتقتلوا ظلماً بالبشاعه دي في كل زمان هل بيحسوا وبيشوفوا هول ورعب الموقف ويتعذبوا بالطريقة الغير محتملة الواضحة للأشخاص الآخرين اللي حاضرين الموقف أو شافوه في التلفزيون".

وأضاف: "وصلت لآية في القرآن الكريم مهمه جداً (فكشفنا عنك غطاءك فبصرك اليوم حديد) يعني اللحظة اللي أراد فيها ربنا إن يقبض روح بني آدم  يدخل البني آدم في عالم آخر ويشوف حاجات تانية الناس اللي عايشين ميقدروش يشوفوها".

وتابع: "مهما تشوفوا جثث محروقة أو مقتولة تأكدوا إن ربنا كان رحيم بأصحابها ومشافوش الموقف الصعب اللي انتوا شوفتوه ده  و سورة الواقعة تثبت ده في الآية الكريمة دي (فلولا اذا بلغت الحلقوم وأنتم حينئذ تنظرون ونحن أقرب إليه منكم ولكن لا تبصرون)".

وأضاف: "أوعوا تشكوا في رحمة ربنا مهما شوفتوا قدام عينكم مشاهد صعبة وعلى النقيض لما بيموت الظالم  بيشوف ما لا يسره وما يفزعه في طريقة أخذ روحه وبعد دراستي الشخصية الفكرة دي اتأكدت من بعض رجال الدين الكبار التي تجمعني بهم صداقة ومحبة وأكدوا لي صحة ما بحثت عنه .. جزاهم الله كل الخير".

من قوة تمسكي و اصراري و قناعتي برحمة ربنا ، بقالي فتره بدرس فكره معينه اعتقد بتشغل ناس كتير الوقت ده بسبب الحاله النفسيه المرعبه اللي عايشينها كلنا … كنت بقول معقول اللي بيتقتلوا ظلماً بالبشاعه دي في كل زمان هل بيحسوا و بيشوفوا هول و رعب الموقف و يتعذبوا بالطريقه الغير محتمله…

— Tamer Hosny (@tamerhosny) October 18, 2023