محمد فؤاد لياسمين عز: أنت نجمة كبيرة ورافعة رأسنا على طول (فيديو)

أكد الفنان محمد فؤاد في أول ظهور له بعد إنقاص عدد كبير من وزنه أنه لم يرغب في الظهور الإعلامي بسبب حالته الصحية ووزنه الزائد.

وقال محمد فؤاد خلال الحلقة الأولى للموسم الجديد لبرنامج "كلام الناس" مع الإعلامية ياسمين عز: "وماردتش أطلع معاكي قبل كده عشان كنت تخين أوي الحمد لله أنها محصلتش".

وتابع قائلا: "رافعة رأسنا انتي على طول، وأنتي نجمة كبيرة وعاملة حالة ولازم تلاقي طوب كتير بس ربنا معاكي، مفيش حد ينجح من الهواء".

واستكمل محمد فؤاد حواره قائلا: "الناس قاصدة تخبي الحاجة الكويسة ويظهروا الوحش، لو في شيء إيجابي يخبوه ويطلعوا بس السلبي لأنه هو ده اللي بيجيب التريند والمساعدات ويلفت النظر، والأمر دينيًا حرام وأخلاقيًا ليه مسمى مينفعش نقوله على الهواء".

وعن عودته إلى الغناء مجددا قال محمد فؤاد: "أنا قلت يا جماعة مش هغني غير لما أتطمن أن البلد بقت كويسة ومش هغني بالعافية مش هغني وأنا مش مبسوط".

محمد فؤاد العلاقات الزوجية اليابانية من أنجح التجارب

كما تطرق محمد فؤاد خلال حواره مع ياسمين عز حول علاقة الرجل والمرأة قائلا: "الزوجة اليابانية أول ما تشوف زوجها داخل عليها تجري تشيل جزمته من على الباب وتشيل حاجته، هي بتقدر جوزها وبتحترمه، علشان كدا العلاقات الزوجية اليابانية من أنجح العلاقات".

وأضاف فؤاد قائلا: "الرسول أوصانا بالنساء خيرًا، لذلك لم يكن الرجل أهم من المرأة، لكن الرجل الناجح هو الذي يحافظ على أسرته، ويراعي منزله".

نصائح محمد فؤاد للستات

كما حرص محمد فؤاد خلال برنامج "كلام الناس" على توجيه نصائح للسيدات للحفاظ على أسرتها وحماية حياتها الزوجية قائلا:نصيحة من أخ أوعي تحكي أي حاجة بينك وبين جوزك لأبوكِي عن المشاكل اللي ما بينكم".

وأضاف قائلا: "مع خروج سر البيت المشاكل بتبدأ، والزوج عمره ما بيسامح فيها، احتفظي بسرك وامسكي نفسك، ولو اتطربقت الدنيا ما تقوليش إيه اللي حصل مهما كان، والزوج لما يلاقي كدا هيشتريكي أنك حافظتي على بيته وسره".

وتابع محمد فؤاد قائلا: "خلي بالك جوزك دايما عايز شكله يبقى كويس أدام أهلك، مايتكسرش، ولو اتكسر بيقول كدة باظت فمش فارقة".