هجوم ناري على باسم يوسف بسبب أحمد زويل.. وهكذا رد على جمهوره

شن جمهور الإعلامي الساخر باسم يوسف هجوما حادا عليه، لعدم تقديمه النعي في وفاة العالم المصري الحاصل على جائزة نوبل أحمد زويل.

الأمر الذي دفع باسم يوسف للرد على جمهوره على موقع التواصل الاجتماعي "فيسبوك" قائلا: "أنا مش نشرة اخبار وليا مطلق الحرية اعلق على الأحداث اللي أنا شايفها".

وأضاف يوسف: "أنا مش نشرة اخبار ، مش وكالة أنباء و مش صفحة وفيات، أنا مش مطالب اني اعلق علىأي احداث انت شايف المفروض اني اعلق عليها من اول نزاع في بلد معين لانقلاب في بلد تاني لوفاة حد في بلد تالتة، و لو حصل و علقت فده لأَنِّي بامارس نفس الحرية اللي انت بتديها لنفسك انك تتكلم على ايه و ما تتكلمش على ايه".

وتابع: "العيال الرخمة بتاعة ما اترحمتش على فلان ليه هما نفسهم اللي لو قلت فلان ربنا يرحمه حيخشوا يقولوا طب و ما اتكلمتش على فلان او علان او ما جبتش سيرة ترتان ليه، نفس الناس اللي تقولك ما علقتش على احداث معينة ليه و لو علقت يقولك طب ما اتكلمتش على الحدث التاني ليه.. العالم مش مستني ستاتوس الفيس بوك عندي او عندك عشان يتصرف على حسب حنكتب ايه، احنا كلنا أتفه من كده، و الملائكة مش واقفة على حساب تويتر تشوف مين اللي اترحم على مين و مين لا، و أبواب السما او الجحيم مش مستينة عدد اللايكات و الشير عشان تقرر تفتح لمين و تقفلها في وش مين، الحياة و الموت و الترحم كانوا موجودين قبل الفيس بوك و تويتر و الانترنت شخصيا، الحياة الاخرى مش واقفة على التويتة بتاعتك".

وتوفي عالم الكيمياء المصري أحمد زويل الحائز على جائزة نوبل في عام 1999 بفضل أبحاثه الرائدة في مجال كيمياء الفيمتو، الثلاثاء الماضي، في الولايات المتحدة عن عمر ناهز 70 عاما، ومن المقرر أن يصل جثمانه يوم الأحد إلى القاهرة لتشييعه إلى مثواه الأخير.