تعليق ناري من تامر حسني على صورته قبل الشهرة.. وهذا رد عبلة كامل

اجتاحت صورة للنجم تامر حسني قبل الشهرة مواقع التواصل الاجتماعي، الأمر الذي جعله يعلق على الصورة، ولكن تعليق تامر كان مفاجئاً ولاقى إعجاب الآلاف من جمهوره ومن زملائه الفنانين.

ونشر تامر الصورة وعلق قائلاً: "لمن يهمه الأمر .. من يومين نزلت صوره ليا وانا صغير وشغلت ناس كتير وفضلوا يتريقوا على الصوره في الحقيقه اني فالوقت ده فعلاً كنت بحاول اقلد المشاهير في صورهم وافلامهم وحراكاتهم وبغض النظر عن ان فالوقت ده كانت الموضات شبه كده وانا بقول شبه كده لأني كنت ولد صغير معندوش فلوس نهائي يشتري لنفسه حاجه غاليه ولا عنده اب يشتريله حاجه اصلاً".

وأضاف تامر: "من يوم الصوره دي وانا حالف اني اتصورها بجد وانا مشهور الصوره دي بتثبت لأي شاب ايجابي ان مفيش مستحيل واللي عايز يتريق على الولد اللي فالصوره هقوله يارب تنجح زيه انا فخور بالصوره دي وانهارده بقول للولد الصغير ده انت راجل عشان حلمت بحلم وحققته وبدأت من تحت الصفر ووصلت لحلمك بمجهودك وعرقك وكمان اشتغلت شغلانات كتير فيها شقى وتعب عشان تصرف على اهلك من وانت فالسن ده شكراً يا ولد يا صغير اصرارك عمل مني راجل انسان فنان اسمه تامرحسني".

وعلقت الفنانة عبلة كامل على منشور تامر قائلة: "الإصرار سر النجاح, منشور جميل حبيبي تامر أنت قدوة للشباب"، وأثنت الفنانة وفاء عامر على منشور تامر موجهة الشكر للولد الصغير تامر الذي أصبح نجماً.

شاهد أيضاً: تجارب الأداء للنجم محمد رمضان في بداية مشواره الفني