تعرضت لمواقف مؤلمة.. شيماء سيف: أنا شايفة نفسي حلوة وليدي جدا

كشفت الفنانة شيماء سيف، تفاصيل عن حياتها الشخصية وعلاقتها بعائلتها، كما كشفت عن كيفية تعاملها مع حالات التنمر على وزنها الزائد.

في لقاء تلفزيوني حديث، تحدثت الفنانة المصرية شيماء سيف، تحدث عن شكلها ووزنها الزائدة، لتؤكد أنها لم تتعرض في حياتها لأي انتقادات من أسرتها لتقول: "أحسن حاجة عملوها أهلي أن عمرهم ما علقوا على وزني وشكلي".

شيماء سيف والتعليقات على وزنها الزائد

وتابعت قائلة: "ده اللي خلاني أتربي أنا وحاسة إنه عادي، بس لما طلعت من دائرة عيلتي عرفت بقى التريقة والتعليقات الوحشة".

وعن شكلها وإحساسها بجمالها: "أنا شايفة نفسي حلوة حلاوة ودي كارثة، دي نعمة آه بس بيني وبين نفسي، لكن الناس بيقولوا لي هو أنتِ مش فارق معاكي؟ وآه والله ما فارق معايا وشايفة نفسي ليدي جدا".

كما تطرقت شيماء سيف إلى موقف تعرضت له سبب لها إحراجا كبيراً في حياتها خلال شرائها ملابس لها وقالت: "كنت في محل بشتري هدوم وكنت بمسك حاجة قامت البنت شدتها إيدي وقالت لي ده لو قستيه هتقطعيه، بعدها بطلت اشتري هدوم من برا، وفضلت فترة طويلة أفصل هدومي لنفسي".

نشأة شيماء سيف

وعن حياتها ونشأتها مع أسرتها تحدثت شيماء سيف عن ذكرياتها الجميلة في حي شبرا الذي نشأت فيه، وعن علاقتها القوية بجدتها التي كانت تعتبرها أماً وأباً في آن واحد.

وقالت: "اتربيت في شبرا، وخدت منها كل حاجة في الحياة، كنت قاعدة في بيت جدتي في الدور الأول، وطول الوقت كنت قاعدة على الشباك بره، وكل اللي رايح واللي جاي ياخدك فأنا اتربيت في بيوت كتير بأشكال كتير ومستويات كتير".

وتابعت قائلة: "كل البيوت كانوا جزءاً مني وسابوا جوايا حاجات، فيه اللي دكتور وفيه اللي سواق تاكسي، وشفت التعاملات، والحاجة الوحيدة اللي كلهم مشتركين فيها الأصالة والجدعنة، لسه بزورهم، والحاجات صغرت أوي عليا، يعني زمان كنت بكون بشوف مدخل البيت كبير".

وأضافت شيماء سيف: "دلوقتي أقسم بالله بدخل بالجمب، والعيشة في قصور مقارنة ببيت فيه ذكرياتك وريحة أهلك زمان ولا يجي حاجة، مهما سكنت وعشت، مفيش زي السعادة وراحة البال اللي أنت كنت فيها".

وأوضحت شيماء سيف أن  جدتها كانت تحبها كثيراً وتدللها، وأنها لم تجد الحنية التي كانت تشعر بها مع جدتها مع أي شخص آخر، وأنها كانت تتمنى أن تشاركها كل لحظات نجاحها وفرحها في حياتها الفنية والشخصية.

وقالت: "لما جدتي ماتت كانت أول مرة أحس بالألم، والموت ده بالنسبة لي زي طلقة نار، وأتمنى ما أجربهاش تاني لأنه أكتر حاجة بترعبني، وكنت وقتها 14 سنة".

واستكملت تروي تفاصيل يوم وفاتها قائلة: "قبل ما تموت كانت بايتة عندنا في البيت وكانت نايمة جمبي وكنت مبسوطة وأنا في حضنها، وحد قريبنا توفي راحت هي وماما تعزي".

وأردفت قائلة: "وفجأة لقينا حد جاي وجايب شنطتها والإيشارب، وأنا كنت صغيرة، حاولوا يخبوا عني، لكن كان قلبي حاسس ولما نايمة في حضني آخر يوم، بدأت تحلم بأخواتها ولكني خفت أقول لحد، ولما عرفت أنها ماتا انهارت".

مسلسل شيماء سيف

شيماء سيف هي فنانة مصرية شاركت في العديد من الأعمال الفنية، منها مسلسل "1000 حمد الله على السلامة" الذي عرض في رمضان الماضي مع النجمة يسرا، وحقق نجاحاً كبيراً، وهي معروفة بأدائها الكوميدي الطريف والمميز.