محمد فؤاد: محمد هنيدي عمره ما كان صاحبي وعمرنا ما اتكلمنا بره الفيلم

كشف الفنان محمد فؤاد العديد من تفاصيل حالته الصحية، وخلافة الشهير مع النجم محمد هنيدي بعد فيلم "إسماعيلية رايح جاي".

وأكد محمد فؤاد خلال حواره مع الإعلامية ياسمين عز ببرنامج "كلام الناس" على شاشة MBC مصر بالحلقة الأولي للبرنامج بالموسم الجديد، على انقطاع علاقته مع الفنان محمد هنيدي.

وقال فؤاد: "ليه نبقي أصحاب مش هكون صحبة غصب عنه، فيه أكثر من أنا أقول إني بحب هنيدي، وأنا أخده من أفلام عادل إمام وافرش له فرصة حلوة علشان الناس تشوفه في أكثر من كدا حب".

وتابع قائلا: "كنت شايف هنيدي أكبر من أنه يعمل مشهدين في فيلم هو كان قبلي عامل 25 فيلماً، وجه فيلم إسماعيلية رايح جاي كان أجره 5000 جنيه ووقتها اعترضت قولتلهم يعمل إيه بالمبلغ ده اكتبوا ليه 15 ألف جنيه وبالفعل المنتج نفذ طلبي".

وأضاف محمد فؤاد: "أسباب زعلي من بعد فيلم إسماعيلية رايح جاي إن في فريق ظهر بيهين في الفنان عادل إمام وأي حد اشتغل وينسب النجاح لمحمد هنيدي وزعلت جدا أنه سمح للناس تقول كدا".

وتابع قائلا: "اللي يعمل معايا عمره ما يكون صاحبي في يوم من الأيام ثاني بعد ما عملت معاك كدا الفيلم اللي جه بعد إسماعيلية رايح جه له ما شاء الله ملايين".

واستكمل محمد فؤاد قائلا: "هنيدي كان يشرفني يكون صاحبي، لكنه مش صاحبي، هنيدي شلته غيري خالص، عمرنا ما تكلمنا مع بعض، محصلش بعيدًا عن الفيلم إني رحت له أو هو جالي".

محمد فؤاد وعمليات تكميم المعدة

كما تطرق محمد فؤاد إلى محاولاته لإنقاص وزنه، ورحلته بين الأطباء والعمليات للرجوع إلى وزنه الطبيعي.

وأوضح محمد فؤاد خلال حواره مع الإعلامية ياسمين عز أنه أجرى عمليتين لشفط الدهون ولكن تعرض للتعب الشديد قائلا: "اتبهدلت وكنت بخس واتخن وبقول للناس نصحية أوعوا حد يعمل شفط دهون".

وتابع قائلا: "أفضل حاجة عملتها تكميم المعدة برغم من أنني سمعت عنها كلام وحش لكن ربنا سترها معايا، كان لازم أعمل العملية لأني كنت هتعب وشغلي باظ وكنت هدخل في مشاكل صحية وصحابي هما اللي حجزولي عند الدكتور".