حسن شاكوش: بقرف من التيك توك بسبب الأشكال اللي بشوفها عليه (فيديو)

نشر الفنان المصري حسن شاكوش فيديو عبر حسابه الشخصي على فيسبوك عبر فيه عن استيائه وشعوره بالـ"قرف" من تدني المحتوى الذي يتم تقديمه على تيك توك ومواقع التواصل الاجتماعي.

وقال شاكوش في الفيديو: "الواحد بقى بيشوف أشكال وحاجات غريبة على التيك توك والموضوع بقى مقرف جدًا، حتى التيك توك اللي كنا بنتفرج عليه عشان يهون علينا ونشوف حاجات تضحكنا بقا يقرفنا".

وفي الفيديو الذي نشره قال شاكوش أيضًا: بقينا نشوف عبط وهبل على التيك توك والعيال اللي بتعمل لايفات وتحديات غريةب زي اللي بيحمي نفسه بالشطة واللي تبهدل نفسها… إيه الهبل اللي انتوا فيه دا".

وتابع شاكوش: "في ناس كتير على التيك توك محترمة ونستفاد منها، ولكن القرف اللي الواحد بيشوفه دا مش ممكن، اعمل حاجة تفيده ولو محتاج فلوس اعمل حاجة تفيد الناس عشان لما عيالك يكبروا يشوفوا إنك قدمت محتوى هادف وكويس".

وأضاف شاكوش: "لما ابنك يكبر ويشوف إنك راجل هايف أو ست هايفة هيبقا عايز يبقى زيكم، هل هتقدر تقول له متعملش دا؟ الفلوس مش كل حاجة، أول مرة أطلع أتكلم عن الموضوع دا لأني بقيت أكره افتح التيك توك بسبب الأشكال اللي بشوفها".

آخر أغنيات حسن شاكوش

يُذكر أن الفنان حسن شاكوش طرح مؤخرًا أغنية "حنيلي" على صفحته على يوتيوب وحققت الأغنية نجاحًا كبيرًا حيث حقق ما يزيد عن 13 مليون مشاهدة، والأغنية من كلمات وتوزيع إسلام ساسو، وإنتاج مزيكا، ومخرج فيديو الكليب هادي الباجوري.

اقرأ أيضًا: حسن شاكوش يطرح برومو أغنيته الجديدة والجمهور: مسروقة من بيلا تشاو

شاكوش يحتفل بخطبة نجله بعد أيام من خطبته

ومؤخرًا احتفل مغني المهرجانات حسن شاكوش منذ أيام بحفل خطوبة نجله محمد بعد أيام من احتفاله بخطبته على فتاة من خارج الوسط الفني اسمها ريم.

ونشر نجل شاكوش، الذي عرف نفسه أنه مدير أعمال والده، على صفحته على تيك توك صورًا وفيديوهات من حفل خطبته، وعلق عليها: "لما أبوك يبقى حسن شاكوش وتروح تخطب" وظهر في الفيديو وهو يغني على أغنية والده "حبيبتي".

واعتاد محمد شاكوش على نشر العديد من الصور والفيديوهات التي تجمعه بالفنان حسن شاكوش، ويصفه دائمًا بالأب والأخ والصديق.

وقبل خطبته ابنه احتفل مغني المهرجانات حسن شاكوش بخطوبته على فتاة من خارج الوسط الفني في حفل عائلي ضم الأسرة وعدد من الأصدقاء المقربين.

وقد حضر حفل الخطوبة الفنان عمر كمال، وغنى له، وفور إعلان خطوبته نشر العديد من الفنانين بنشر فيديوهات وصور التقطوها في حفل الخطوبة ومن بينهم فيديو لوالدة شاكوش وهي ترقص فرحًا بخطوبة ابنها.

وفي حفل الخطوبة غنى مغني المهرجانات عمر كمال لصديقه، وهو أول من أعلن عن خطوبة حسن شاكوش من خلال فيديوهات وصور نشرها من حفل الخطوبة.

اقرأ أيضًا: حمدي فتحي يرقص مع نجوم الأهلي في حفل زفافه على أغاني شاكوش وعمر كمال