أغنية حمزة نمرة لمسلسل سر إلهي تتصدر التريند

تصدر الفنان حمزة نمرة، التريند على مواقع التواصل الاجتماعي ومحركات البحث، بعد طرحه على صفحته الشخصية على الفيس بوك تتر مسلسل "سر إلهي" المقرر عرضه ضمن مسلسلات رمضان 2024 بصوته.

أغنية تتر سر إلهي

وحازت أغنية مسلسل "سر إلهي" للفنان حمزة نمرة الذي يقدم لأول مرة تتر لمسلسل تليفزيوني برمضان على إعجاب العديد من النشطاء.

وجاءت التعليقات كالآتي: "حمزة نمرة عامل عظمة، مفيش حد غيرك يقدر يوصل لوتر القلب، نورت الشهر الرمضاني، مفيش إحساس كده، أغنية حمزة نمرة لمسلسل سر إلهي تحسها بتيجي على الجـرح حتى لو معندكش جـرح، تحس دايما حمزة نمرة عايش وجعنا بيحكي اللي جوانا كأنه يقول لكل واحد فينا أنا فاهمك، أنا زيك، أنت مش لوحدك".

كلمات تتر مسلسل سر إلهي للفنان حمزة نمرة

كما أشاد جمهور حمزة نمرة بكلمات أغنية تتر مسلسل "سر إلهي" وقاموا بتداولها لوصف حالتهم النفسية، والتي جاءت كالآتي: "يالي مستغرب قساوتي.. خش شوف بعينيك حكايتي..شوف حكايتي من مرايتي.. وقولي مين بدأ العدواه ..سابو قلبي على البلاطة.. سابو روحي على الحديدة..شالو من جرحي الخياطة.. وزودوني جراح جديدة..آه يا قلبي يا اللي شايل.. يالاي وروك الهوايل".

كما جاء في الأغنية "دايما الطعنة اللي تيجي.. من أعز الناس شديدة..خلاص بقيت على نور وقلبي زيكم مات..بكرا السنين هتدور والعبرة بالنهايات..ذهب الدهب بالعقول فرق ما بين الأخوات..يا رب إيه حكمتك وليه أنا بالذات؟.. وليه أنا بالذات؟..لسه مستغربني تاني.. حط كده نفسك مكاني…خدت صدمة مزلزلاني.. زعلى على قد الغلاوة ..المواقف بينتلي مين عليا ومين معايا.. كل مشهد مستخبي شوفته من كل الزوايا".

وجاء أيضاً: "آه يا ناس باعت ضميرها آه يا دنيا اتقل خيرها..الفلوس طلعت حقيقي للنفوس أوضح مراية..طلع أخويا وابن عمي والغريب عليا.. حتى اللي من دمي يا ناس يتمنالي الأذية..اختبار فوق احتمالي يا رب شديد عليا.. محتار والسر الإلهي مش شايفاه عنيا".

الجدير بالذكر أن أغنية سر إلهي من كلمات محمود فاروق وتوزيع كريم عبدالوهاب وغناء وألحان حمزة نمرة.

مسلسل سر إلهي

 ومن المقرر عرض مسلسل "سر إلهي" ضمن مسلسلات شهر رمضان 2024 على قنوات المتحدة وعلى منصة WATCH IT، والعمل من بطولة روجينا ومحمد ثروت وأحمد مجدي ومي سليم ورنا رئيس ونهى عابدين.