بعد دهسه شاباً.. عصام صاصا: ليه الناس شايفاني وحش

تصدر اسم مطرب المهرجانات عصام صاصا التريند على مواقع التواصل الاجتماعي ومحركات البحث، بعد أن تسبب في دهس شاب بسيارته أعلى كوبري المنيب بمحافظة الجيزة.

أول تعليق من عصام صاصا بعد حادث دهس شاب

وحرص مطرب المهرجانات عصام صاصا على التعليق لأول مرة على الحادث بعد قرار إخلاء سبيله من النيابة على ذمة القضية، وقال عبر خاصية القصص المصورة لحسابه الرسمي على موقع إنستغرام: "الحمد له على قضاء ربنا اللهم لا اعتراض، ربنا يرحم الراجل اللي أنا هفضل شايل ذنبه طول عمري".

وتابع قائلاً: "بس ربنا شاهد على اللي حصل ومحدش يحس باللي أنا شوفته وعيشته الساعات اللي فاتت ربنا يصبر أهله ويرحمه وشكرا لكل إخواتي اللي سألوا عليا وشكرا لكل الناس اللي دافعت عن عصام وعارفة إن عصام عمره ما يؤذي حد بس ده قضاء ربنا".

وأضاف عصام صاصا قائلا: "أنا طبعا ليا حق الرد بس أنا فعلا تعبان جدا واللي أنا فيه مش سهل، يا ريت تقدروا ده ولما أحس أني بقيت أحسن شوية، أوضح كل حاجة".

عصام صاصا: ليه الناس شايفاني وحش

وبعد ذلك بعدة ساعات نشر عصام صاصا منشورا آخر للتعليق على الحادث عبر حسابه الرسمي على فيسبوك قائلا: "كل اللي بيحبوني واللي مبيحبونيش واللي شمتانين فيا يركزون في الكلام ده، طبعا الحمدلله على كل حال وكل اللي يجيبه ربنا خير، بس ليه الناس شايفاني وحش ؟".

وأضاف قائلا: "ربنا اللي يعلم أنا الموضوع ده مآثر فيا قد ايه ويا رب ما حد يتحط في ربع الموقف اللي أنا فيه، ربنا يرحم الراجل اللي أنا شايل ذنبه وشكله مبيفارقش عيني من ساعة اللي حصل ويصبر أهله، بس في حاجات محدش  يعرفها لازم اطلع أوضحها بس أنا مش قادر أحكي حاجة دلوقتي من التعب اللي أنا فيه".

إخلاء سبيل عصام صاصا

الجدير بالذكر، أن مطرب المهرجانات عصام صاصا غادر قسم شرطة الطالبية، عقب انتهائه من إجراءات، إخلاء سبيله وسداد 30 ألف جنيه الكفالة المالية التي قدرتها النيابة العامة، يوم الاثنين الماضي، عقب وصوله من مصلحة الطب الشرعي، لإجراء تحليل المخدرات وبيان تعاطيه مواد مخدرة أو مسكرة وقت وقوع الحادث، الذي تسبب في قتل أربعيني عن طريق الخطأ.

وأنهى مطرب المهرجانات عصام صاصا من سحب عينة دماء له، وغادر مصلحة الطب الشرعي تنفيذًا لقرار النيابة العامة، بعد أن دهس شابًا يدعى أحمد مفتاح (40 عامًا) على الطريق الدائري في منطقة الطالبية.

وقامت قوة أمنية من قسم شرطة الطالبية بمرافقة مطرب المهرجانات إلى مصلحة الطب الشرعي لإجراء تحليل مخدرات له.

وفي تفاصيل الحادث، خرج عصام صاصا وسط قوة أمنية بـ"الكلبشات" لاستقلال سيارة الشرطة، وتوجه إلى مصلحة الطب الشرعي في منطقة السيدة زينب.

تحريات الأجهزة الأمنية بالجيزة، بإشراف اللواء محمد الشرقاوي مدير الإدارة العامة لمباحث الجيزة، كشفت عن ملابسات الحادث، التي تبينت أن أثناء سيره أعلى دائري المنيب قبل نزلة المريوطية، فاجأ عصام صاصا بمرور شاب عبر الطريق، فاصطدم به بسيارته وأطاح به لعدة أمتار.

وتوقف عصام صاصا حتى وصلت قوات الشرطة ونقلت سيارة الإسعاف الشاب المصاب إلى المستشفى، إلا أنه فارق الحياة، وتبين من فحص متعلقاته أنه سائق في أواخر العقد الثالث من العمر.

وقامت قوة أمنية من قسم شرطة الطالبية بترحيل مطرب المهرجانات عصام صاصا إلى سراي نيابة العمرانية للتحقيق معه في الحادث بتهمة القتل الخطأ.