بعد أن وصفهم بالظاهرة.. حسن شاكوش لمحمود العسيلي: "هنقعدك في البيت"

هاجم مطرب المهرجانات حسن شاكوش تصريحات الفنان محمود العسيلي حول أغاني ومطربين المهرجانات وتراجعها بين الجمهور في الفترة الأخيرة.

وقال حسن شاكوش في فيديو بث مباشر: "كل نجم ليه وقت، ولازم يأخد هدنة بس لما بيرجع بيطلع حاجات هنقعدك في بيتكم وإحنا مجال المزيكا بتاعتنا والمهرجان والغنوة الشعبي ده مش هيموت، الناس تعبت من كتر الاكتئاب.. والأغاني اللي بتجيب الاكتئاب وبتجيب ملل وبتعقد الناس".

وأضاف شاكوش: "الناس لما تصدق تسمع أغنية شعبي ليا أو لعمر كمال أو حمو بيكا، علشان تطلع الواحد من المود أنا كحسن لما بسمع أغنية لشيرين عبد الوهاب بكون عايش مود الغنوة".

وعن وصف محمود العسيلي لمطربي المهرجانات أنهم ظاهرة وانتهت قال حسن شاكوش: "احنا مش ظاهرة احنا لسه هنبتدي في حياتنا، واحنا كدا كدا صغيرين في السن،احنا لسه مكملين وقاعدين، والنجاح اللي عملناه يشغلنا 20 سنة".

حسن شاكوش يهاجم أسما إبراهيم

كما هاجم حسن شاكوش الإعلامية أسما إبراهيم وبرنامجها "حبر سري"على قناة "القاهرة والناس" قائلا: "مينفعش نبقي في وش بعض بطريقة وأسلوب وفي ظهر بعض نلاقي طريقة ثانية، أسما إبراهيم لما طلبتني علشان  أطلع معاها اتصلت 20 ألف مرة علشان أكون بس معاها في البرنامج".

وتابع قائلا: "هي زي أختي على مستوى الشخصي، بس انتي كنتي عايزاني اطلع معاكي علشان التريند، في حلقة عندك طلعت تريند غير بتاعتي أنا وعمر كمال وحمو بيكا؟".

تصريحات محمود العسيلي

الجدير بالذكر، إن الفنان محمود العسيلي كان قد ظهر في برنامج "حبر سري" للإعلامية أسما إبراهيم، وكشف عن رأيه حول المهرجانات والراب.

وأكد محمود العسيلي أن أغاني المهرجانات كانت ظاهرة وموضة واختفت، وأن التريند حاليا مع مغنيين التراب، وأن الفنان الحقيقي هو من يبحث عن الاستمرارية والتطوير.

وقال محمود العسيلي: "في مطرب معرفهوش اسمه عصام صاصا هو أكثر المطربين استماعا على جميع المنصات وهو الأكثر استماعا في كل المنصات واليوتيوب من الجميع في الوطن العربي".

وأضاف قائلا: "الأكثر استماعا مع الجيل الصغير الآن هو التراب وسيأتي وقت عليه وسيختفي لأنه مبني على موضة غير ناس قليلة عندهم شكل ثابت".

وتابع: "حمو بيكا وعمر كمال وشاكوش موجودين ونجاحهم كان كبيراً ودلوقتي بينجحوا في حاجات وحاجات لا ومش بقوا زي الأول ويبقى ظواهر، والشاطر هو اللي يتحول ميبقاش ظاهرة ويكون له شكل خاص به ويكون فنان له لون وشكل بس معظم مطربي المهرجانات مش بيعملوا كده".