نور التوت يتهم حمو بيكا بسرقة 200 ألف دولار.. اعرف القصة

تصدر اسم مطرب المهرجان حمو بيكا، التريند على مواقع التواصل الاجتماعي ومحركات البحث، بعد حدوث تبادل بينه وبين مؤدي المهرجانات الشعبية نور التوت، بسرقة مبلغ 200 ألف دولار من أرباح القناة على منصة الفيديوهات اليوتيوب.

أزمة نور التوت وحمو بيكا

ونشر نور التوت بث مباشر عبر صفحته الرسمية على موقع فيسبوك، يتهم فيه حمو بيكا بسرقة 200 ألف دولاراً أمريكي بحجة التسديد للضرائب.

هاجم مؤدي المهرجانات الشعبية نور التوت، مؤدي المهرجانات حمو بيكا، حيث اتهمه بسرقة 200 ألف دولار من قناة اليوتيوب التي يشارك فيها نور التوت وفريق الدخلاوية، عبر بث مباشر على صفحته الرسمية على فيسبوك.

وأكد نور أن هذه الأموال تم جمعها على مدى خمس سنوات من العمل الفني والإعلانات، فقال: أنا اتسرقت في 200 ألف دولار من حمو بيكا، قناة مزيكا هي اللي أدته الفلوس، الفلوس دي بتاعة القناة اللي إحنا شقيانين عليها بقالنا 5 سنين، أخذ 200 ألف دولار ويقول أنا دافع فلوس والضرائب".

وتابع نور التوت قائلا: "طب أنا هروح الضرائب وهنعرف كل واحد عليه كام ويعرف كل الكلام ده، حمو بيكا واخد 200 ألف دولار على حس نور التوت وعلي قدورة وفيجو الدخلاوي".

نور التوت: الفلوس حمو بيكا أشتري بيها عربيات

وأضاف متهما حمو بيكا أنه استولى على أموالهم لشراء عقارات وسيارات، فقال: "إحنا فلوسنا بيتركب بيها عربيات وبيتجاب بيها شقق وحاجات ياما، أنا الحمد لله معايا عربيتي وشقتي، بس ده شقايا وتعبي، أنا أقسم بالله مش هسيب شقايا وتعبي لحد".

واستكمل قائلا: بنسأل فلوسنا فين بيقولوا بيكا واخد وإحنا منعرفش، أنا حقي هاخده منك بالقانون، أتضحك علينا في 200 ألف دولار من حمو بيكا، إحنا فلوسنا بتضيع وبيتجاب بيها شقق وعربيات وكل حاجة".

وأشار نور التوت أنه لن يتنازل عن حقه، فيقول: "أنا هقلب عليك الدنيا كلها والضرائب، أقسم بالله والكعبة اللي زورتها مش هسيبلك جنيه من شقايا وتعبي يا بيكا، وأنا وأنت والقانون والضرائب، والحفلات اللي كل حفلة بمليون جنيه"

وسيطرت حالة من الانهيار والبكاء على نور التوت، فقال: "أنا عايز الناس تقف معايا، أنت واحد بتقول محدش يعرف ياخد معاك حق ولا باطل، في قانون، بيقولي دفعت الـ 200 ألف دولار في الضرائب، ضرائب على إيه؟ الحفلات أم مليون جنيه؟ ولا الإعلانات؟ ولا البرامج، أنا هفضحك".

رد فعل حمو بيكا

في منتصف الليل، حضر حمو بيكا مع محاميه إلى قسم شرطة العجوزة في الجيزة لتحرير محضر ضد نور التوت.

اتهم حمو بيكا نور التوت بالتشهير به وسبه وقذفه عبر مواقع التواصل الاجتماعي، واتهمه أيضًا بسرقة 200 ألف دولار حصيلة أعمال فنية على قناته على يوتيوب.