انفصلت منذ سنوات.. لأول مرة صابرين تكشف تفاصيل طلاقها

كشفت الفنانة صابرين تفاصيل انفصالها عن زوجها، وتفاصيل  مشاركتها في رمضان 2024 بمسلسل "مسار إجباري".

وقالت صابرين رداً على سؤال حقيقة انفصالها عن زوجها خلال حوارها مع برنامج "عرب ودد": "وقت انتشار موضوع طلاقي أنا كنت قبلها بسنتين شبه منفصلة، وأنا بصراحة لما نزل الموضوع بصراحة بشكر كل الصحافة لاحترامهم كلامي الذي أرسلته لهم في ذلك الوقت".

وتابعت قائلة: "قولت لهم في رسالتي يا جماعة أنا منفصلة من زمان وما بحبش التدخل في الحياة الشخصية إطلاقا، وأنا بحترم أبو ولادي جداً واحنا بقى لنا فترة كبيرة منفصلين والخبر مش جديد علشان نتكلم فيه فاحترموا أولادي".

 

 

 

 

عرض هذا المنشور على Instagram

 

 

 

 

 

 

 

 

 

 

 

‏‎تمت مشاركة منشور بواسطة ‏‎ArabWood‎‏ (@‏‎arabwoodtv‎‏)‎‏

خسارة صابرين للوزن

كما كشفت صابرين عن سر رشاقتها وخسارتها للوزن في الفترة الأخيرة فقالت: "ابتديت من بعد مسلسل ليالينا 80 ومن بعد الفترة دي شويه ابتديت بقى اعمل يعني لايف ستايل في الأكل براحة، وكمان كان فيه مساعدات خارجية، أقعدت شوية أخذ الحقن الأنسولين، ولكن وقفت بسرعة لأني خفت، لأن لازم تكون مريض سكر علشان تاخدها".

 أضافت: "انا منصحش بيها ولكن هي الصراحة جابت نتيجة معايا وبعدين استمريت لما لقيت الدنيا مشيت، وأنا مش النوع الأكيل، فالحقن ساعدتني في الحرق لأنه كان يمكن بطئ شوية عندي، فلقيت نفسي بنزل في الوزن بسرعة أوي، فاتبعت الأكل اللي كنت عليه عادي ولقيت نفسي الدنيا لذيذة واحلى صحياً وشكلاً وموضوعاً".

صابرين في مسلسل مسار إجباري

كما تطرقت صابرين خلال حوارها عن دورها في مسلسل "مسار إجباري" الذي يعرض ضمن موسم رمضان 2024، قائلة: "أنا مرتاحة حدا مع أحمد داش وعصام عمر شباب محترمة ومعجونين بالموهبة هم مدرستين مختلفتين داش تحسه طاغي ومشرق في تمثيله".

وتابعت قائلة: "أما عصام فهو ثقيل وجواه راسي وعميق، فالاثنين عملوا كيميا كانت مفاجأة المسلسل بصراحة، هم لاقوا أوي على بعض، الجمهور صدق أنهم اخوات رغم شخصياتهم المختلفة ".

واستكملت صابرين قائلة: "أكثر كلمة عجبتني من تعليق الجمهور على العمل كلمة احنا مصدقينكم، ده أهم حاجة في العمل إننا نأخذ الجمهور".