ليست الخيانة.. أيتن عامر تكشف لأول مرة سبب انفصالها عن زوجها

كشفت الفنانة أيتن عامر لأول مرة عن سبب انفصالها عن زوجها السابق مدير التصوير محمد عز العرب، بعد 3 سنوات من إعلان الانفصال رسمياً.

 أيتن عامر وخيانة الرجل

وأكدت أيتن عامر خلال حوارها مع الإعلامية بسمة وهبة، في برنامج "العرافة" على قناة النهار أنها كانت رافضة تصريحات شقيقتها وفاء عامر حول خيانة الرجل للمرأة.

وأضافت قائلة: "لحد دلوقتي بتخانق مع أختي وفاء عامر بسبب تصريحها بأن الست هي المسئولة عن خيانة زوجها لها، ولحد هذه اللحظة أنا رافضة التصريح تماما لأنها مش معتقداتي ولا تفكيري".

وتابعت أيتن عامر عن رد فعل شقيقتها حول انفصالها: "مفيش أهل بيحبوا أولادهم يطلقوا، وفاء عامر كانت رافضة طلاقي، وعمر ما كان للخيانة مبرر، والست مش مسئولة عن خيانة الراجل ليها، والرجل بطبعه لا تكفيه امرأة واحدة بنسبة تصل إلى 90%، وإلا مكنش ربنا حلل لهم التعداد".

ورداً على سؤال بسمة وهبة إذا كانت الخيانة سبب انفصالها عن زوجها، قالت أيتن عامر: "أنا اتعرضت الخيانة لما كنت مخطوبة أول مرة، فعادي أيتن عامر بتتخان، ولكن زوجي السابق مخنيش".

قالت أيتن عامر: "تجربة الطلاق من أبشع التجارب اللي ممكن تمر بيها ست في حياتها. الناس بتقول إيه ده دي احلوت؟ بس هي من أصعب التجارب".

تجربة الطلاق مع أيتن عامر

واستكملت أيتن عامر: "الست ممكن تبقى بتنور بعد الطلاق بس مش عشان الطلاق، هي منورة من قبل كدا، لكن بتكون في فترة بتبقى استنزفت فيها وبدأت تفقد جزء من سلامها النفسي وصحتها وعقلها، ولما بيحصل الطلاق الست بترجع تاني تنور زي ما كانت منورة قبل".

وتابعت حول إحساسها بعد الطلاق : "مش حاجة كويسة إن حد يفقد شخص من عائلته الناس بتبص للست اللي اتطلقت انها بقت تهتم بنفسها أكتر ونورت أكتر بس محدش شاف وحدتها وهي راجعة البيت، مفيش ونسها ومفيش سكنها.. موضوع صعب مش سهل".