صور: محمد عطية يرد على المتفاجئين بتغير مظهره مؤخراً

  • تاريخ النشر: الأربعاء، 09 أغسطس 2017
صور: محمد عطية يرد على المتفاجئين بتغير مظهره مؤخراً

أبدى الفنان المصري محمد عطية ضيقه ممن يرجعون تغير شكله الجسدي وكونه أصبح مفتول العضلات لحيازته الأموال فقط.

وكان الفنان محمد عطية قد ذاع صيته بين العرب عقب فوزه بالنسخة الأولى من برنامج المسابقات ستار أكاديمي.

ونشر عطية على حسابه الخاص بموقع التواصل الاجتماعي، فيسبوك، تدوينه يوضح فيها معاناته حتى يصل إلى هذا الشكل من العضلات.

وجاءت التدوينه: "الفترة اللي فاتت أكتر من صفحة لقيتهم منزلين صوري و كاتبين عن التغيير اللي حصل في شكل جسمي  أكتر تعليق الناس كاتبينه إن الفلوس بتعمل كل حاجة (ده علي أساس إني ثري عربي) هفترض معاك إنه فلوس .رغم إن فيه ناس كتير معاهم فلوس و مابيعملوش كده  بس اللي كاتب كده مش عارف إني بتمرن مرتين في اليوم / ٦ أيام كل أسبوع / بصحي الصبح ألعب كارديو ٤٥ دقيقة عالريق و باليل باتمرن ساعتين أوزان و ٤٥ دقيقة تانية كاريدو  يعني بتمرن في اليوم ٣ ساعات و نص ده غير إني حارم نفسي من كل سكر و الدهون و الزيوت و المحاشي و خلافه و بأكل بالجرام و بيعدي عليا أيام كتير زيرو كارب مابيدخلش في بقي غير بروتين و بس".

وتابع:" كل عزومات رمضان كنت بروح متفرج أصحابي بيكونوا عندي بيطلبوا بيتزا و ماكدونلدز و أنا قاعد بأكل خيار و صدور فراخ من غير أي حاجة عليها أنا فاكر كويس إن أول يوم زيرو كارب و أنا راجع من التمرين كنت هعمل حادثة أكتر من مرة و ركنت العربية خمس مرات عشان عنيا مزغللة و مش قادر أسوق ده غير بقي إن المدرب بتاعي اللي وصلني للشكل ده كابتن Hassan Bondمش بيرحم و تمرينته تقيلة جداً".

وأتم تدوينته بقوله: "أنا كنت مصاحب وصاحبتي كانت دايما بتتخانق معايا بسبب إن مش عارفة تخرج معايا بسبب التزامي بمواعيد الجيم ولو خرجنا مابنعرفش ناكل حاجة سوا يعني حارم نفسي من حاجات كتير جداً عشان أوصل للشكل ده الغريب بقي إن لو دخلت على صفحة منزلة تغيير في جسم أي فنان برة هتلاقي كل التعليقات (يا سلام على الإرادة .. شوف الإصرار)  .. ما اعرفش المتلازمة دي اسمها إيه الصراحة ... من الأخر لو أنت مقتنع إن الموضوع فلوس يبقي عمرك ما هتعمل حاجة".