هل سيتزوج نايل نصار ابنة بيل غيتس من أجل ثروتها؟ أرقام وحقائق تُجيبك

نجوم أجبرتهم كورونا على إلغاء حفلات زفافهم أو تأجيلها إلى أجل غير مسمى

القصة الكاملة لأزمة أحمد العوضي وشقيق ياسمين عبدالعزيز: تفاصيل صادمة

  • الأربعاء، 04 مارس 2020 الأربعاء، 04 مارس 2020
القصة الكاملة لأزمة أحمد العوضي وشقيق ياسمين عبدالعزيز: تفاصيل صادمة

فجر الفنان وائل عبدالعزيز، شقيق الفنانة ياسمين عبدالعزيز، مفاجأة غير متوقعة عندما نشر تفاصيل صادمة تكشف علاقتها مع الفنان أحمد العوضي، ليؤكد بها الشائعات التي كانت تتردد في الآونة الأخيرة حول وجود علاقة عاطفية تجمع بينهما.

شقيق ياسمين عبدالعزيز يفضح علاقتها مع أحمد العوضي

حيث نشر عبدالعزيز عبر حسابه على فيسبوك رسالة عنيفة يُهاجم فيها شقيقته، وينتقد تصرفاتها التي أحرجت أهلهما، وآخرها ارتباطها بالعوضي الذي يصغرها بنحو 10 سنوات.

وقال وائل عبدالعزيز في منشوره الذي حذفه لاحقاً: "بصى يا ياسمين يا عبد العزيز يا أختى، أنا معاكى وفى ضهرك من وأنتى صغيرة شيلت مشاكل كتيًر بسببك من وأنتى عيلة صغيرة، بداية من مشاكلك مع الشاعر وبرادة وأنتى عارفة إن أنا أتأذيت فيها إزاى وقضية الشغالات مؤخرًا غير قضية الضرب اللى كانت بينك وبين بنت هشام سليم الممثلة اللى لبستيها التورتة فى وشها".


القصة الكاملة لأزمة أحمد العوضي وشقيق ياسمين عبدالعزيز: تفاصيل صادمة

وتابع قائلاً: "وقفت جمبك بكل ما أملك من قوة أدافع عنك فى كل موقف صعب مر عليكى ونسيت حياتى ونفسى عشانك وبقى كل همى أنا ووالدتك، إنك تكبرى وتبقى نجمة فى مجالك، سيبنالك اختياراتك كلها لنفسك ووفقنالك على معظم قراراتك وكنت الوحيد اللى ساندتك ووقفت جنبك فى طلاقك، لكن هنهرتل وتروحى تعرفى واحد أصغر منك بـ10 سنين لا من سنك وتتصورى صور مالهاش أى لازمة على حساب سمعتك وسمعتنا، لا ومحدش هيسمح، من أمتى وإحنا بنعمل أعياد ميلاد وتنزل على السوشيال ميديا، من أمتى الناس بتجيب فى سيرتنا؟ ونقعد نتعاكس على السوشيال ميديا؟."

وأضاف: "ومع ذلك حياتك وأنتى حرة فيها، أنا هتكلم على الشق اللى يخصنى، أنتى مقاطعة كل العيلة عشان تعملى اللى على مزاجك، إحنا دلواقتى وعايزين نفهم العلاقة دى إيه ورايحة على فين".

 ثم وجه هجومه نحو العوضي وقال: "أما بالنسبة للأخ اللى ماشى وراكى فى كل حتة وشايفك البيضة الدهب اللى هتفقسله كل يوم.. أحب أقولك يا راجل لما تيجى تدخل بيت تدخله من بابه يا راجل!! وتقعد مع رجالة البيت!!.. دى الأصول وده الاحترام.. وطبعًا لأنك عارف أنك مرفوض رافضًا باتًا فاعمرك ما هتعمل ده ومعندكش غير طريق الشمال اللى أنت سالكه من سنين مع بنات الناس!!.. أنا من رأيى كفاية عليك البطولة اللى أخدتها والعربية المرسيدس الهدية، وتركز فى شغلك وتسيبنا فى حالنا لأن طول عمرنا فى حالنا ومحدش سامع عننا حاجة وملوش لازمة جو الصور والمعاكسات ده وأنا مبخفش من تهديد حد".

رد ناري من أحمد العوضي على شقيق ياسمين عبدالعزيز

وكان الرد سريعاً من جانب أحمد العوضي على شقيق ياسمين عبدالعزيز، حيث نشر عبر حسابه على فيسبوك منشوراً نارياً طويلاً حذفه لاحقاً، قال فيه: "أنهي بيت اللي أدخله من بابه..  إن كانت هي اللي بتصرف عليك وعلى أبنك اللي مخبيه وراميه وهي بتدفعله مصاريف مدرسته .. باب إيه يابني أدخله هو  أنا شفت راجل واقف جنبها.. دي واحده انت مبتعملش حاجه غير إنك بتستنزفها هي ومامتها".


القصة الكاملة لأزمة أحمد العوضي وشقيق ياسمين عبدالعزيز: تفاصيل صادمة

وأضاف مواصلاً هجومه: "باب إيه يابني اللي هدخله من بابه وأكلم واحد بيتكلم على عرضه ولحمه قدام الناس.. يابني أنا من عين شمس منطقه شعبيه اتربيت على أن الاخت والأم والست الكلام عليهم من الكبائر.. عربية إيه يابني أنا أجري الحمد لله يعيشني كويس ويجيبلي عربية حلوه وبیت كويس.. بمجهودي وشغلي مش علي عرق واحدو ست.. باب إيه يا حبيبي اللي ادخله وانت اصلا عايش باسمها.. أنا شقيت على حالي بعرقي.. لكن أنت فشلت في كل شئ فشلت كممثل وفشلت كأب وفشلت كأخ وفشلت كبني أدم".

ياسمين عبدالعزيز لأحمد العوضي: بحبك يا أحمد

وبينما لم تعلق ياسمين عبدالعزيز بشأن الحرب الكلامية الشرسة التي دارت بين شقيقها والعوضي، إلا أنها قررت أخيراً الإعلان بشكل رسمي عن وجود قصة حب حقيقية تجمع بينها وبين أحمد العوضي.

وعبر حسابها على إنستجرام، نشرت ياسمين صورة رومانسية تجمعها مع العوضي، وكتبت عليها: "بحبك يا أحمد".


القصة الكاملة لأزمة أحمد العوضي وشقيق ياسمين عبدالعزيز: تفاصيل صادمة

أحمد العوضي لياسمين عبدالعزيز: بحبك يا ياسمين

وبعدما حذف المنشور الذي هاجم فيه شقيقها، قام أحمد العوضي بنشر نفس الصورة الرومانسية التي تجمعه مع ياسمين عبدالعزيز، وكتب عليها بدوره: "بحبك يا ياسمين".

شقيق ياسمين عبدالعزيز يهاجم أحمد العوضي بعنف

ورغم حذفه المنشور السابق الذي هاجم فيه شقيقته وأحمد العوضي، إلا أن وائل عبدالعزيز عاد مجدداً لمهاجمة الأخير، حيث كتب عبر حسابه على فيسبوك: "ردّك متوقع جدا لأن هو ده أسلوبك ومش هيتغير بس أنا هرد عليك.. بالنسبه إن حد بيصرف علّيا عمرها ما إديتني جنيه في جيبي وأحب أفكرك إني قاعد في بيت إيجار وراكب عربيه تويتا كنت جايبها قسط من شقايا وأظن أنت شوفتها أيام مسلسل لآخر نفس لما كان معاك عربيه لانسر.. ويادوبك حوشت عشان أغير عربيتي قريب.. وحتي لو حد من أهلي ساعدني في وقت ضيقه أنت مالك!!.. ولا معندكش كلام تقوله!!!؟".

وتابع قائلاً: "أما الشغل إلللي أنا فاشل فيه فلو بتعتبر 17 جايزه أخدتهم في أربع سنين فشل فاياريت تعرف تبقي فاشل زيي لكنك مش هتعرف للأسف.. ومش أنت إللي تحدد فشلي ونجاحي في اأي شيء لأنك طالع علي رقبة الناس."


القصة الكاملة لأزمة أحمد العوضي وشقيق ياسمين عبدالعزيز: تفاصيل صادمة

ثم وجه حديثه إلى شقيقته ياسمين عبدالعزيز وقال: "أما أختي فالمواقف والسنين الي فاتت هيا إللي هتبين أنا عملت عشانها إيه.. وكلمة إني طالع علي حسها كل الناس عارفة إني شقيت طريقي لوحدي من 15 سنه وعلي الرغم من ده فأنا عادي أبطل تمثيل من بكرة قدام مصالح أختي."

وأضاف: "أخيراً بقي.. ردّك ده علّيا أثبتلي أنك ولا همك الإنسانى إللي إنت ماشي تعاكسها في كل حته وعلي صفحات السوشيال وسيبت المهم وابتديت في تشويهي ومفكرتش تاخد خطوة محترمة تجاهها إلا إنك جريت علي الترند وهتشتغل شغل قذر لأن ده إللي يهمك (ترند، دور بطولة، فلوس، عربيات)."

وتابع: "وبالنسبة للناس إللي بتقول إني بتكلم علي موضوع زي ده علي السوشيال ياريت تدخلوا تشوفوا صفحاتهم وتعرفوا إن الموضوع متعارف عليه للناس إلا أهلها.. ياسمين سألتني بعد الطلاق إنها ممكن تحب وتتجوز وأنا اول واحد قولتلها طبعًا حبيبتي ومن حقك وهبقي أول حد يفرحلك.. بس مش إنت!! لأني أعرفك من سنين وعارف نواياك والأيام هتثبت صحه كلامي.. ونصيحه مني ليك لما تدخل علي ست متختارش وقت ضعفها وخروجها من طلاق ومشاكل لو فعلاً بتفهم كنت بقيت صديق ينصح ويحافظ ويخاف لحد ما تبقي قوية تاني.. مش يتصور صور زي دي يا محترم."

واختتم حديثه بقوله: "وأخيراً في 5 أكاونت باسمي علي فيس بوك وإنستجرام معرفش عنهم حاجة.. وده آخر كلام عندي في الموضوع ده وهسيبه للأيام تكشف الحقائق."

ياسمين عبدالعزيز وأحمد العوضي

وكانت شائعات ارتباط أحمد العوضي وياسمين عبدالعزيز قد بدأت تتردد خلال الأسابيع الماضية، بعدما ظهرا بشكل مقرب في عدة مناسبات، من ضمنها عيد ميلادها الأخير.

وائل عبدالعزيز وياسمين عبدالعزيز

جدير بالذكر أن وائل عبدالعزيز شارك في بطولة مسلسل لآخر نفس، الذي قامت ببطولته شقيقته ياسمين عبدالعزيز في رمضان 2019، والذي شارك فيه بطولته أيضاً أحمد العوضي.


سجّل إعجابك بصفحتنا على فيسبوك لتتابع أحدث الأخبار والصور أولاً بأول