دينا الشربيني: حبيبي خاني مع صاحبتي (فيديو)

تحدثت الفنانة دينا الشربيني عن التفاصيل التي تحبها في الرجل، وعن رد فعلها بعد تعرضها للخيانة في علاقة عاطفية من قبل.

تصريحات دينا الشربيني عن الخيانة

وأكدت دينا الشربيني خلال حوارها مع الإعلامية لميس الحديدي في برنامجها "كلمة أخيرة" على قناة ON tv على تعرضها للخيانة من حبيبها مع صديقتها الأمر الذي تسبب لها في وجع نفسي كبير.

وقالت دينا الشربيني: "أكره أعيش مع حد خاين، زمان تعرضت للخيانة أكثر من مرة ومفيش بنت متعرضتش للخيانة واللي حظها حلو اللي بتعرف الخيانة علشان تمشي ومتكملش".

وتابعت قائلة: "بس أنا مقدرش أكمل مع حد خاين والعلاقة دي عمرها ما تكمل ولما عرفت أني تعرضت للخيانة مشيت علطول والوجع بيبقى كبير أوي".

وأضافت دينا الشربيني: "في حالات بتكون الست عارفة بالخيانة، لكن بتضطر تكمل لأن عندها بيت وغير قادرة على إنهاء هذه العلاقة وهي من جوه بتكون مدمرة لأنها عارفة وساكتة".

وتابعت قائلة: "الوجع بيكون أكبر من صاحبتك اللي خانتك ومواجهتاش لحد دلوقتي، والموضوع ده كان لما كنا صغيرين أوي".

مواصفات الرجل المثالي

وعن مواصفات التي تحبها في الرجل قالت دينا الشربيني: "أنا مقدرش أكون مع حد بخيل ومش بخيل فلوس ولكن مشاعر وأحاسيس وتعامل، وأنا بحب في الراجل الحنين وإنه يتقي ربنا في أهله لأنه لو اتقى ربنا في أهله أكيد هيتقى ربنا في مراته وحبيبته".

واستكملت قائلة: "أنا مش خايفة إن الشخص اللي مرتبطة به يقلق من شغلي طالما واثق فيا”.