داليا مصطفى تكشف إصابتها بمرض السكري: حصلت مضاعفات مش لطيفة

تصدرت الفنانة داليا مصطفى التريند، على مواقع التواصل الاجتماعي ومحركات البحث بعد إعلانها أمام جمهورها إصابتها بالسكري وتركيب جهاز استشعار في ذراعها لقياس مستوى السكر في الدم.

إصابة داليا مصطفى بمرض السكر

وشاركت داليا مصطفى عبر صفحتها الرسمية على موقع الإنستغرام، فيديو تكشف فيه عن إصابتها بالمرض، مع توجيه نصائح توعية بشأن الجهاز الاستشعار.

 

 

 

 

View this post on Instagram

 

 

 

 

 

 

 

 

 

 

 

A post shared by Dalia Mostafa (@daliamostafaac)

وأوضحت داليا في الفيديو كيفية عمل الجهاز على جسدها وقالت: "كنت منزلة صورة أنا وأختي وكنت لابسه فيها الجهاز ده "جهاز استشعار" بتاع السكر، ده جهاز السكر عشان في ناس مكنتش فاهمة ده جهاز إيه بالضبط، بعد ما نزلت الصورة وأنا كنت بتصور عادي".

وتابعت داليا أن صورتها كسبت تشجيعاً من كثير من الأمهات فقالت: "أمهات كتير بعتولي وناس منظمة لمعارض وحاجات للسكر شجعوني جدا وانبسطوا أوي إني لابساه ومش مكسوفة، وأمهات قالوا لي شكرا طلعتي بشكل عادي بالمنظر ده والجهاز ده خلى أولادنا عندهم ثقة أنهم يلبسونه ومش مكسوفين خالص".

داليا مصطفى والتنمر

وكشفت داليا مصطفى أن هناك العديد من المصابين بالمرض يخجلون من ارتداء الجهاز والظهور بها علنا حتى لا يتعرضوا التنمر.

فقالت: "إحنا يمكن معندناش التوعية دي إن مفيش داعي للتنمر لو في تنمر، أنا شايفة أن الأطفال أو حتى الستات اللي بتبقى مكسوفة تلبس الجهاز ده لو لابسين نص كم، على فكرة مش فارقة مش مهم رأي أي حد فيا أنا مستريحة كده الجهاز ده ريحني جدا".

أما عن معاناتها مع مرض السكر قالت داليا مصطفى : "كان سكري قبل كده صعب بيوصل لـ8 ومرضى السكر ويفهموا يعني إيه دي حاجة مش لطيفة، كنت بكره الشكشكة حاجة بتضايقني وكنت سايباها كده وحصل مضاعفات مش لطيفة".

وعن كيفية ارتدائها للجهاز استشعار السكر بالجسد قالت: "فجأة روحت لدكتور عظيم قالي في جهاز، وقلت له إني سمعت إنه نزل من كام سنة بس مش في مصر قالي لأ موجود وفعلا ركبته هو جهاز أكتر من هايل بيقيس السكر زي رسم بياني".

واستكملت داليا شرح مميزات جهاز السكر قائلة: "لما بيكون عالياً باخد أنسولين، ولما بيكون واطي بيدني تنبيه فأخذ حاجة، أنا مش بعمل إعلان وبالمناسبة أنا مش عارفة إيه ماركة الجهاز ده أصلا بقولكم وبشجع أي واحدة وطفل أو طفلة عندها سكر أن لا يهم أي حد، كل واحد مشغول بحالة ولا تفكرون في حاجة وفكروا في نفسكم وبس وربنا يشفينا كلنا".