محمد سامي يثير الجدل: عادل إمام أنجح من أحمد زكي

كشف المخرج محمد سامي عن رأيه في نجاح الفنان عادل إمام ومقارنته بالفنان الراحل أحمد زكي، ومن الأنجح بينهما في تاريخ الفن المصري.

محمد سامي: جميع أفلام أحمد زكي لم تنجح

أكد المخرج محمد سامي خلال حواره مع الإعلامية أميرة بدر ببرنامجها "أسرار النهار" على قناة النهار، أن من وجهة نظره الفنان عادل إمام هو الأنجح مقارنة مع الفنان أحمد زكي.

وأضاف قائلا: "أحمد زكي عمل حاجات أحسن من حاجات، وفي أعمال مصدقتهوش فيها، هو كل أفلام أحمد زكي نجحت؟ هو إيه أنجح أفلام أحمد زكي؟ نجح إيرادات؟ هو أنا أكيد أقل من أن أقيم أحمد زكي، هو نجح في أفلام زي كابوريا والهروب والرجل الثالث والبيه البواب والكلام ده تعلمته من المنتجين ومنهم أحمد السبكي قال لي إيه الأفلام اللي نجحت".

محمد سامي: عادل إمام الأنجح 

وتابع قائلاً: "لما أحسب تجربة الفنان عادل إمام هو الأنجح على الإطلاق وأنجح ممثلاً على الإطلاق، وغير لونه بطريقته أنا فاكر مرة كان عامل مسلسل اسمه صاحب السعادة وكنت أقف أمام إعلاناته أبتسم ولا أعرف ليه لأن ده عادل إمام البهجة والانبساط".

وأضاف محمد سامي: "ثلاثة أرباع الافيهات اللي بتقولها بتاعت عادل إمام إحنا متأسيين عليه، الراجل ده وظف نفسه جوه الطريقة اللي هو فيها حلو وعمل أدوار مختلفة ولكن بتلاقي عادل إمام موجود هو اختار طريقاً وبصم فيه وبقي عادل إمام".

واستكمل موضحاً: "أنا مش شايف الممثل لازم يروح يعمل مرة أكشن ومرة كوميدي ومرة صعيدي، المفروض كل واحد يوظف نفسه في المكان اللي يلاقي نفسه فيه ويكون أجمد واحد فيه".