ياسمين عز تعلن توقف برنامجها لمدة شهر.. لو زعلت فرعونك هطلع هوا

أعلنت الإعلامية ياسمين عز توقف برنامجها "كلام الناس" الذي يُعرض على قناة MBC مصر خلال شهر أغسطس، وأوضحت إن سبب توقف برنامجها هو إجازة الصيف وسيعود البرنامج مرة أخرى بداية من شهر سبتمبر.

وقالت ياسمين عز في برنامجها: "شهر أغسطس البرنامج هيبقى إجازة عشان اجهزلك فقرات جديدة مش عشان أصيف زيك يا مدام.. متزعليش يا مدام ومتاخديش على خاطرك يا آنسة وشوفي الحلقات المعادة قبل متنامي عشان أطلعلك في الأحلام".

وكعادتها لم تنسَ ياسمين الحديث عن الفرعون في برنامجها، ووجهت رسالتها إلى الزوجات وقالت: "لو زعلتي الفرعون هتلاقيني على الهواء تاني يوم". وأضافت: "كلام الناس إجازة في أغسطس زي كل سنة، وبقولك متزعليش يا مدام انا عارفة إنك مبقتيش تقدري على غيابي".

شائعات استخدام حقن تفتيح البشرة

وفي حلقتها الأخيرة قبل الإجازة تحدثت ياسمين عز عن الشائعات التي انتشرت مسبقًا والتي تفيد بأنها استخدام حقن تفتيح البشرة لتبدو بشكل أفتح، وقارن الجمهور صورها سابقًا في برامجها القادمة وصورها الآن والتي بدت فيها أفتح بشكل واضح.

وقد علقت ياسمين عز ونفت الأمر تمامًا وقالت إنها مجرد إشاعات ليست صحيحة، وقالت: "في بعض الناس قرروا استغلال صوري زمان وروجوا شائعات عليا إني بستخدم حقن تفتيح البشرة، عشان كدا قررت في إجازتي في شهر أغسطس إني آخد تان وهرجع ببشرة سمراء وهجاء ذهبية خمرية".

يُذكر أن الإعلامية ياسمين عز قد أثارت الجدل مؤخرًا بعدما وجهت رسالة إلى زوجات مشجعي نادي الزمالك، وقالت إن الزوج الذي يشجع نادي الزمالك يُعاني من أزمة ثقة في بداية الموسم، وقالت: "بلاش تقفي له على الواحدة ولو مسك تليفونك قوليله خد راحتك ولو نزل في أي وقت متسألهوش رايح فين وجاي منين".

وتابعت خلال البرنامج قائلة: "فرعونك الزملكاوي بيهرب اليومين دول من كل السوشيال ميديا بسبب تحفيل الأهلاوية عليه، وبيقضى معاكي انتي أطول فترة ممكنة ونادرا لما يمسك موبايله خليكي انتي بقى رقيقة معاه ومتزوديش نكد علي نكده وحاولي تقللي معاه جرعة النكد واكتمي أي نكد لحد لما موده يتعدل".

وأضافت: "إحنا دلوقتي في فترة الانتقالات ولاعيبة عقودها بتخلص ولاعيبة بتجدد عقودها وهو عنده مشكلة في العقود فياريت متفتحيش معاه اي عقود خاصة بالإيجار أو اي اي شيء".