أحمد عز: أنا مش بتاع بنات وحبهم ليا كرم من الله

كشف الفنان أحمد عز عن رحلته نحو عالم الفن والتمثيل، وكيف تلقى أسرته خبر تحوله الجذري في مساره المهني، وعن علاقته بمواقع التواصل الاجتماعي.

مهنة احمد عز

وتحدث الفنان أحمد عز خلال حواره مع الإعلامي عمرو أديب، في  بودكاست "بيج تايم"، كيف بدأ حياته المهنية في قطاع الفنادق، وتوقع والده أن  يتبع خطاه في صناعة البترول.

فقال: "أبويا كان شغال في البترول وكان متوقع إنني هشتغل زيه بس أنا لما اتخرجت اشتغلت في الفنادق كموظف استقبال في فندق موفينبيك الهرم وبعدها نفلونس في المبيعات وأنا عندي 25 سنة وراتبي كان 7500 جنيه سنة 1995".

اختيار أحمد عز لفيلم مذكرات مراهقة

وأكد أحمد عز أنه كان يعمل  كعارض أزياء بدوام جزئي، بجانب وظيفته في الفندق، فقال: "وقتها المخرجة إيناس الدغيدي اختارتني عشان مذكرات مراهقة ومكنتش استحق البطولة خالص وقتها، فقلت لهم في الفندق عايز إجازة شهرين عشان أعمل الفيلم وأرجع، ومديرتي رفضت وقالت اختار بين الاثنين فرحت استقالت".

وكشف أحمد عز أن اختياره لمهنة التمثيل، أصاب والده بصدمة شديدة، فقال: "أبويا لما سمع الخبر ساب الأكل وبعد فيلم  "مذكرات مراهقة"، قعدت سنة ونص مبيجيليش شغل، فقعدوا يتغطوا عليا عشان أرجع الفندقة وبابا عاقبني وأصدر أمر إن محدش في البيت يديني فلوس".

أحمد عز وحب البنات

كما تطرق أحمد عز خلال حديثه مع الإعلامي عمرو أديب عن سبب عدم تفاعله على صفحات مواقع التواصل الاجتماعي.

وأكد أحمد عز أنه لا يحبذ رفع صور وفيديوهات له بكثرة عبر صفحاته على مواقع التواصل الاجتماعي، قائلاً: "هقول ايه جديد، يعني ايه أرفع صورة وأنا مثلا قدام حمام السباحة وفي راجل يشوفها رايح على أكل عيشه، ويفتح يلاقي الصورة دي قدامه".

وتابع قائلاً عن حب المعجبات له: "حب البنات ليا ما أعرفش سببه، بس ده من كرم ربنا وحب الناس لا يقدر بالملايين، بس نقطة حب البنات أقسم بالله عمرها ما شغلت تفكيري ولكنها نعمة ربنا يديمها".

وأضاف قائلاً: "وأنا أبسط بكثير أوي وأخيب بكتير أوي مما حد يتخيل مش الواد الحلانجي أخيب مما أتخيل وما بعرفش أذوق الكلام، يعني أنا مش الواد بتاع البنات وده من صغري".