محمود سعد: مش عايز الناس تفتكرني لما أموت علشان معملتش حاجة

أثار جواب الإعلامي محمود سعد حول كيف يريد أن يتذكره جمهوره، خلال حواره الأخير بإحدى القنوات، الجدل بين النشطاء على مواقع التواصل الاجتماعي.

فيديو محمود سعد

وتسبب رد الإعلامي محمود سعد في تصدر اسمه على محركات البحث وخاصة موقع إكس "تويتر سابقاً" وتداول فيديو اللقاء بين النشطاء.
وجاء رد الإعلامي محمود سعد، عندما سأل عن كيف يريد أن يتذكره جمهوره بعد وفاته، فقال: "كان الشاعر الراحل عبد الرحمن الأبنودي قبل ما يتوفى وفي أيامه الأخيرة، كان طلبني وروحت سجلت معه حواراً، فكان شاغلاً همه أن الناس تنساه".

وتابع قائلا: "أنا نظرت في الموضوع ده، هم هيفتكروا البني آدم لأمتي؟ هيفتكروا الأبنودي ولا الفنان أحمد زكي؟ 5 سنين ولا 10 ولا حتى 100 سنة وبعدين!".

واستكمل موضحاً: "بعدين مش هيكون فيه حاجة، إلا إذا كنت حاجة زي العالم الدكتور أحمد زويل ودا شيء مش هيحصل، فأنا مش عايز حد يفتكرني خالص".

محمود سعد: معملناش حاجة للمجتمع

وأضاف محمود سعد قائلا: "أنا عايز الناس ربنا يسعدهم في حياتهم، وتساعد نفسها، معملناش حاجة تستحق أننا نكون في الذاكرة، إحنا كل واحد فينا نفذ بحياته، والناس حالتها صعبة زي ما هي، زي ما شوفناها وزي ما بدأناها ويمكن كمان بتسوء".

واختتم حديثه قائلا: "فإحنا مقدمناش حاجة بصراحة، كل جيلنا بصراحة ولا حاجة معملناش حاجة لأن الناس لما بتعمل المجتمع بيتغير، والمجتمع متغيرش ولا حاجة".

رد فعل النشطاء على فيديو محمود سعد

وفور انتشار الفيديو على مواقع التواصل الاجتماعي، انهالت التعليقات من النشطاء، مشيدين بحديث الإعلامي محمود سعد الصادق.

فقال أحدهم: "كلام صعب جداً فعلا جيل معملش أي إنجاز لأن الناس لسه بتعاني، عشان كده لا نستحق إن الناس تتذكرنا ..صدق محمود سعد".

فيما أضاف ناشط ثان: "عموما محمود سعد بقاله فترة كبيرة حقيقي وصريح مع نفسه يعني من ساعة برنامج باب الخلق وأنت تقدر تفهم ده".

وعلق ناشط ثالث: "بحب محمود سعد وبحب أتفرج عليه وأسمعه حتى من كلامه العادي وذكائه في الحوار مع أي حد بحس إني اكتسب حاجات عموما تفيدني شخصياً الراجل جميل وهادي وصادق مع نفسه وكفاية إنه نأى بنفسه بعيد عن العصابة".

https://t.co/4exp2We7JW pic.twitter.com/1yS1oRcykv

— Κύριλλος (@Kerollos777) April 5, 2024