ياسمين صبري تنصح الجمهور: طول ما إنت بتشتري نفسك الدنيا هتشتريك(فيديو)

قالت النجمة ياسمين صبري، إن لديها سلاحاً قوياً تتعامل به في الحياة وهو الاستغناء.

وأوضحت الفنانة المصرية خلال وجودها كضيفة في جلسة حوارية ضمن فعاليات مهرجان البحر الأحمر السينمائي الدولي، أسلوبها في التعامل مع الحياة قائلة: "أنا أسهل حاجة عندي الاستغناء، وده سلاح قوي ممكن الواحد يعمله في حياته".

وأكدت النجمة المصرية: "الحياة مش مستاهلة إن الواحد يقطع نفسه أو يعيش في ضغط، الحياة قصيرة جدا مهما طولت، والإنسان المفروض يعيش محترم نفسه وعنده راحة نفسية، وتكون رحيم مع نفسك".

وتابعت ياسمين صبري: "مش في سبيل دور تتعب نفسك نفسيا، وتتعامل مع ناس صعبة أو شرسة أو لسانها حاد، لا متشكرين جدا، اللي مكتوب لك هتشوفه سواء كده أو كده، وطول ما إنت بتشتري نفسك الدنيا هتشتريك".

نفسي في دور شعبي

وتحدثت الفنانة ياسمين صبري عن الأدوار التي تتمنى تقديمها قات: "الحاجات اللي بتتعرض عليا A Class مملة بالنسبة لي، لكني نفسي أعمل شعبي، والمنتجين يشوفوني في الحتة دي وحتى لو ما شافونيش فأنا برضه هعملها".

وأوضحت الفنانة المصرية أنها لا تحبذ فكرة الأعمال المعروضة على المنصات الإلكترونية قائلة:"في ناس في الدلتا والفلاحين والصعيد، ما ينفعش أقول لهم علشان تشترك ادخل على كذا وادفع بالفيزا كارت، أنا عاوزة الجمهور ده عنده تليفزيون، عاوزة أروح له ومش عاوزة أصعبها عليه".

وأضافت: "بقلق من المنصات لأن الناس دي مش هتروح لها، وهما شريحة كبيرة جدا في مصر وعلى رأسنا، وبالرغم من التطور الشديد جدا للمنصات ولكن لسه فيه أماكن ما عندهاش رفاهية إنه يشترك علشان يتفرج وأنا مش عاوزة أكلف حد، وميزة التلفزيون إن أنت رايح له ببلاش وهتلاقي القهوة فاتحة قناة هوا".

وأكدت الفنانة ياسمين صبري إنها لا تفضل أفلام المهرجانات لأنها لا تحقق إيرادات قائلة: "أنا بنت شباك التذاكر، وبحب أن أتحدى نفسي بالمنافسة في الأفلام التجارية، ومسلسلات رمضان، لكن أفلام المهرجانات مش بتحقق إيرادات".

وكشفت الفنانة المصرية عن خطط أعمالها القادمة قائلة: "بركز على أعمال في السينما في الفترة الجاية وهعمل فيلم جديد مع بيتر ميمي عن أول سوبر هيرو مصرية، والحمد لله أنا أملك ثقة كبيرة في عملي، وكل أعمالي السابقة حققت نجاحا وإيرادات".

آخر أخبار ياسمين صبري

عادت الفنانة ياسمين صبري للسينما بعد غياب خمس سنوات من خلال فيلم "البعبع"، الذي تعاونت فيه مع النجوم أمير كرارة وباسم سمرة ومحمد عبد الرحمن. وحقق الفيلم نجاحا كبيرا على مستوى شباك التذاكر.

وتستعد الفنانة ياسمين صبري الأيام المقبلة لطرح أحدث أفلامها في دور العرض السينمائي وهو فيلم "أبو نسب" والذي يجمعها للمرة الثالثة بالفنان محمد إمام بالإضافة للنجوم ماجد الكدواني وهالة فاخر وعلاء مرسي والفيلم من تأليف أيمن وتار ومن إخراج رامي إمام.