حورية فرغلي تهدد زوجة حسن شاكوش: أسمى متقوليهوش تاني علشان تطلعي تريند

شنت الفنانة حورية فرغلي، هجوما على ريم طارق طليقة مطرب المهرجانات حسن شاكوش بعد أن اتهمتها بأنها أقامت علاقة مع زوجها السابق، وهددتها برفع دعوى قضائية ضدها.

ونشرت الفنانة حورية فرغلي مقطع فيديو على صفحتها الرسمية على موقع "الإنستغرام"، وقالت: "الحقيقة أنا طالعة أكلمكم في موضوع وهو بقاله فترة مضايقني وساكتة، بس أنا قررت أشارككم وأشهدكم عشان لو أنا غلطانة ممكن تقولولي، أنا كنت ساكتة فترة طويلة جدا ومبردش علشان أنا أكبر بكتير من كده، بس الموضوع زاد عن حده بطريقة لدرجة إن أنا مش من طبيعتي أن أطلع وأتكلم أو أرد".

وأضافت حورية فرغلي إنها لم تكن تريد أن تكشف عن الاسم ولكن لأن الأمر أصبح يسبب لها إزعاج ولعائلتها، وقالت "حورية": "الأستاذة ريم طارق طليقة الفنان حسن شاكوش اللي أنا معرفهاش خالص ولا عمري شوفتها، اتقال اسم حورية وثالث حرف (ر) الناس سابت كل الأسامي ومسكت في حورية سكت ومتكلمتش خالص، إنما يجيلك الجرأة أنك تنزلي أن الفنانة حورية فرغلي تكشف عن اسم الفتاة اللي كانت مع شاكوش لغاية هنا بقا واستوب".

وأكدت حورية فرغلي في البث المباشر الذي نشرته على صفحتها الرسمية: "أنا إنسانة بحب الهدوء أنا عايشة لوحدي عشان مبحبش الدوشة عمري ما بغلط في حد أنا بحترم الناس كلها".

وتابعت: "أنا طالعة برد عليكي وبشهد الجمهور كله على اللي أنا بقوله دا عشان الناس تقولي لو أنا غلط في حاجة بس أنا معملتش حاجة بس يمكن أكون عملت حاجة، قولولي لو انا غلط، غلط في إيه وأنا الحمد لله تاريخي يشهد عليا إن أنا طول عمري في حالي وكويسة مع الوسط وبعتبرهم أهلي وكمية الناس اللي اكتشفت إنها بتحبني وبتدعيلي ربنا يخليهم ليا يارب".

حورية فرغلي تتوعد ريم طارق

وتوعدت الفنانة حورية فرغلي طليقة حسن شاكوش بتقديم بلاغات ضدها في حالة ذكر اسمها مرة أخرى.

وقالت حورية فرغلي في البث المباشر على صفحتها على "الإنستغرام": "في حاجة أنا عايزة أقولها أنا بحترم الصغير قبل الكبير بحترم نفسي وبحترم كل الناس أنا اتربيت على كده، اتربيت في بيت عيلة وعيلة كبيرة ومعروفة واتعلمت يعني إيه أخلاق وأصول وقيم".

وأضافت حورية فرغلي: "مش هقولك غير ربنا يهديكي يا بنتي لنفسك وتبطلي تجيبي في سيرتي لأن بجد المرة الجاية لو جيبتي في سيرتي أنا هشتكيكي بالتشهير وصدقيني مش هتستحملي ومش هتتخيلي هيحصل فيكي إيه، اسم حورية فرغلي متقولهوش عشان تطلعي ترند مسمحلكيش تقولي اسمي مرة تانية".

وتابعت: "أنا بمنتهى الأدب بقولك لو سمحتي اسمي متقولهوش تاني لأن بمنتهى الأسف وأنا آسفة على اللي هيحصل لأن دا حقي ربنا يهديكي يا بنتي".

 

 

 

 

View this post on Instagram

 

 

 

 

 

 

 

 

 

 

 

A post shared by Horeya Farghaly (@horeyafarghaly)

ريم طارق وحورية فرغلي

كانت الزوجة السابقة لمطرب المهرجانات حسن شاكوش، صرحت في أحد البرامج أن زوجها ذهب في رمضان مع فنانة شهيرة ثالث حرف من اسمها "ر" إلى أحد الشاليهات في منطقة العين السخنة، وأنها رأت رسالة منها وهي تطمئن على وصوله المنزل.